Ҳушдори ВКД дар арафаи Соли нав

Бо наздик шудани Соли нав Раёсати ВКД дар Душанбе аз шаҳрвандон бори дигар хостааст, ки аз фурӯш, паҳн кардан ва истифодаи маводҳои оташбозӣ (пиротехникӣ) худдорӣ намоянд, то таҷлили ин ҷашн ба таври ором баргузор шавад.

Ин ниҳод ёдрас кардааст, ки фурӯш ва истифодаи «хлопушка»-ву «салют»-ҳо бар асоси қонунгузории Тоҷикистон манъ буда, ҷиноят дониста мешавад.

Гуфта мешавад, нафароне, ки ба фурӯши маводҳои оташбозӣ машғуланд, ба ҷавобгарӣ кашида мешаванд ва онҳоро аз 36 ҳазор сомонӣ ҷарима то 2 соли зиндон таҳдид мекунад. 

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube