Ҷавонон ва олимпиҳо бозии санҷишӣ баргузор карданд

Дастаи мунтахаби футболбозони ҷавонон ва дастаи олимпии Тоҷикистон ду бозии санҷишӣ баргузор карданд, ки дар яке ҷавонон пирўз шуданд ва дар дигаре ҳисоб мусовӣ шуд.

21-уми декабр дар шаҳри Душанбе бозии якуми санҷишӣ миёни дастаҳои мунтахаби ҷавонон (U-20) ва дастаи олимпии Тоҷикистон (U-23) баргузор шуд, ки бо натиҷаи 2:0 бар нафъи ҷавонон ба охир расид. Голҳоро Фатҳулло Олимзода (дақ. 11) ва Амадонӣ Камолов (дақ. 29 — аз пеналтӣ) заданд.

Ин дастаҳо 24-уми декабр такроран бозии санҷишӣ баргузор карданд. Ин дафъа рақобати санҷишӣ мусовӣ хотима ёфт — 1:1. Ҳисобро дар дақиқаи 36-ум Рустам Соиров, ҳамлагари тими олимпӣ боз кард. Дар нимаи дуюм нимҳимоятгари дастаи мунтахаби ҷавонон Абдулло Шарифов таносубро барқарор кард. Дастаи ҷавононро мутахассиси белорус Олег Кубарев ва дастаи олимпиро мутахассиси маҳаллӣ Мубин Эргашев машқ медиҳанд.