Аз номи Президент ба ҳар иштирокчии ҶБВ 40 000 сомонӣ тақдим мешавад

Дар арафаи 79-умин солгарди Рӯзи ғалаба барои ҳар иштирокчии Ҷанги Бузурги Ватанӣ аз Тоҷикистон 40 ҳазор сомонӣ тақдим мешавад.

Ин кӯмакпулӣ аз номи Президенти Тоҷикистон Эмомалӣ Раҳмон тақдим мегардад.

Ба иттилои Шӯрои собиқадорони Тоҷикистон, роҳбарони мақомоти маҳаллии Душанбе ва шаҳру вилоятҳо кӯмакпулии алоҳидаро таъйин мекунанд.

Дар пойтахт бошд, аз номи шаҳрдор ба собиқадорони Ҷанги Бузурги Ватанӣ 10 ҳазор сомонӣ дода мешавад.

Ҳоло дар Тоҷикистон 24 иштирокчии Ҷанги Бузурги Ватании солҳои 1941 — 1945 дар қайди ҳаётанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube