Аз таҳти дил бихандед!

Пашшаҳои нару мода

Зани Афандӣ ба хона баргашта, мебинад, ки шавҳараш пашша кушта истодааст.

— Чӣ кор дорӣ, мардак?

— Намебинӣ, пашша кушта истодаам…

— Хайр, чандто куштӣ?

— Се нару ду мода.

— Охир, аз куҷо онҳоро фарқ кардӣ?

— Сетояш болои шишаи арақ нишаста буданд, дутои дигар дар болои телефон.

Туҳфа

Шавҳари золим аз завҷааш пурсид:

— Чӣ туҳфа биёрам, ки бароят нодир бошад?

Зани ҷон ба лаб омада гуфт:

— Хати талоқ!

Коркуни савдо шав!

Якеро ҷон ба лаб омаду назди оқиле рафта, гуфт:

— Чӣ кор кунам, ки ба ҳеҷ касу ҳеҷ чиз муҳтоҷ нашавам?

Оқил гуфташ:

— Раис шав.

Гуфт:

— Ин аз имкон берун аст.

Гуфташ:

— Пас вазир бишав.

Гуфт:

— Ин баробари аз осмон ситора кандан аст.

Гуфташ:

— Корманди савдо шав!

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube