Ба собиқадори 100 солаи ҶБВ кардиостимулятор монданд

Дар бемористони Боткин амалиёти насб кардани аппарати кардиостимулятор ба собиқадори 100-солаи Ҷанги Бузурги Ватанӣ муваффақона анҷом ёфт, хабар медиҳад хабаргузории Мосгорздрав. Ба гуфтаи ин манбаъ, ин мардро баъди аз ҳуш рафтанаш дар хона бо мошини ёрии таъҷилӣ овардаанд, набзи ӯ тақрибан эҳсос намешуд. Дар беморхона беморро ташхис карданд ва нахуст дастгоҳи стимулятори муваққатӣ насб карданд, ки ба туфайли он вазъи беморро мӯътадил кардан мумкин аст. Рӯзи дигар, ба собиқадор дар зери мушакҳои калони сина стимулятори доимии дукамераи муосир насб карда шуд. Аз насби дастгоҳ ду моҳ сипарӣ шудааст ва ба гуфтаи табибон, бемор худро хуб ҳис мекунад, аз ин рӯ, ҷарроҳиро метавон муваффақ арзёбӣ кард. «Дар одамони чунин синну соли пиронсол насб кардани кардиостимулятор аз ҷарроҳ муносибати махсус ва маҳорати махсусро талаб мекунад: бо мурури синну сол рагҳо хеле печида мешаванд ва хатари тромбоз зиёд мешавад. Хушбахтона, ҷарроҳӣ хуб анҷом ёфт», — гуфт сардори шӯъба Замирбек Сотинбоев.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube