Баргузории Рӯзҳои фарҳанги Қазоқистон дар Бохтар

Дар назар аст, ки аз 21 то 23 августи соли равон дар шаҳри Бохтар — маркази маъмурии вилояти Хатлон Рӯзҳои фарҳанги Қазоқистон баргузор шавад.

Ин барнома ба хотири боз ҳам пурзӯр намудани раванди дӯстӣ, беҳтар кардани муносибатҳои байниҳамдигарӣ, табодули таҷриба ва шинос шудан аз фарҳанги якдигарӣ баргузор мешавад.

Меҳмонон аз Қазоқистон шоми имрӯз, 20 август, вориди шаҳри Бохтар мешаванд. Чорабиниҳо бошад аз 20 то 23 августи соли ҷорӣ оғоз мешаванд.

Ҳунармандон ва ҳайати ҳамроҳ аз Ҷумҳурии Қазоқистон тавассути хатсайри Душанбе ба шаҳри Бохтар омада, аз мавзеъҳои сайёҳӣ ва таърихии он дидан мекунанд. Барои дар сатҳи баланд пешвоз гирифтани меҳмонон як қатор барномаҳо дар назар дошта шудааст, ки сафари онҳоро хотирмон мегардонад.