Боздошти хабарнигори амрикоӣ дар Русия ба гумони ҷосусӣ
Хадамоти амнияти Русия рӯзноманигори амрикоӣ Еван Гершковичро дар Екатеринбург ба гумони ҷосусӣ дастгир кардааст.
РИА “Новости” хабар медиҳад, ки хабарнигори рӯзномаи амрикоии The Wall Street Journal рӯзи 30-юми март боздошт шудааст.
Ба навиштаи нашрия, “сухан дар бораи корманди 32-солаи дафтари маскавии нашрия Еван Гершкович меравад, ки бо ҷурми ҷосусӣ боздошт шудааст. Хабарнигор дар ҷамъоварии маводи хусусияти сирри давлатӣ дошта дар бораи як корхонаи саноати дифои Русия гумонбар мешавад”.
The Wall Street Journal як рӯзномаи тиҷоратии амрикоӣ аст, ки ба забони англисӣ дар Ню-Йорк нашр мешавад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75
Шарҳ