Tcell аввалин шуда ба Эътилофи корфармоёни Тоҷикистон, ки USAID ва Фонди Оғохон барои дастгирии ҷавонон таъсис додаанд, шомил гардид.

Бунёди Оғохон (AKF) дар Тоҷикистон ва ширкати мухобиротии Tcell ёддошти тафоҳум дар мавриди тарғибу ташвиқи имкониятҳои фарогир ва қулай барои бо кор таъмин намудани ҷавонон дар Тоҷикистонро дар чорчӯби лоиҳаи муштараки USAID ва AKF «Ислоҳоти маҳаллӣ» ба имзо расониданд.

Оператори пешсаф ва навовари кишвар– ширкати Tcell нахустин корхонаи хусусӣ аст, ки ба Эътилофи корфармоёни Тоҷикистон, ки дар ҳошияи тарҳи вижаи Local Impact созмон ёфтааст, ҳамроҳ гардид. Tcell дар ҳоли ҳозир яке аз бузургтарин корфармоён бо пешниҳоди имконияти рушд ва ба кор ҷалб кардани ҷавонон дар саросари Тоҷикистон мебошад.

Созишномаи тасвибшуда ироаи шароити муосири омӯзиш, коромӯзӣ ва ба кор таъминсозии ҷавонону бонувонро дар назар дорад. Эътилоф ба мақсади ҷалби таваҷҷӯҳи ҷавонон, рушди имконоти онҳо, ба кор таъмин кардан, пешниҳоди ташаббус дар бахши фарогирии донишҳои ҳирфаӣ (касбӣ), ташкили таҷрибаомӯзӣ ва роҳнамоӣ дар ҷои кор, ҳамчунин бунёди шароити беҳтари кор барои ҷавонон дар Тоҷикистон талош хоҳад кард.

Эътилоф бо роҳи ҷалби бузургтарин корфармоён ва ҷавонон дар ҳама манотиқи Тоҷикистон, тавассути пайвандгари занҷираи ҷустуҷӯӣ будан миёни корфармо ва корҷӯву мутахассисони ҷавон тавсеа меёбад.

___________________

Tcell –  бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED — Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст. Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *