Далер Назаров бо Ҷоизаи ба номи Рӯдакӣ қадрдонӣ шуд

Далер Назаров, овозхон ва оҳангсози шинохта бо Ҷоизаи давлатии ба номи Абӯабдуллоҳ Рӯдакӣ қадрдонӣ шуд.

Ҷоизаро ба Далер Назаров Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдулло Раҳмонзода супорид.

Дар Иттифоқи нависандагони Тоҷикистон зимни тақдими ҷоизаи мазкур зикр гардид, ки тибқи қарори Кумитаи Ҷоизаи давлатии ба номи Рӯдакӣ дар соҳаи адабиёт, санъат, меъморӣ ва журналистика дар соли 2024, ки бо қарори Ҳукумати Ҷумҳурии Тоҷикистон тасдиқ шудааст, гурӯҳи офарандагони филми ҳунарии “Роҳ” дар бахши театр ва синамо бо ҷоиза сарфароз шуданд ва номи Далер Назаров барои офаридани оҳанги филм дар феҳристи ҷоизагирон буд.