Файзигул Юсуфӣ – сарояндаи саршиноси тоҷик даргузашт

Файзигул Юсуфӣ — сарояндаи саршиноси тоҷик дар синни 50-солагӣ аз олам даргузашт. Дар ин бора яке аз наздикони сароянда ба pressa.tj хабар дод.

“Файзигул барои ҷарроҳӣ ба Ҳиндустон рафта буд. Субҳ ҳолаташ бад мешавад ва дар бемористон аз олам мегузарад”-гуфт манбаи pressa.tj.

Файзигул Юсуфӣ (Юсупова) 31 майи соли 1974 дар шаҳри Ваҳдат таваллуд шудааст. Оғози солҳои 90-ум ба майдони ҳунар омад ва зуд шӯҳрат ёфт. Ӯ бо иҷрои сурудҳои мардумӣ ва эстрадӣ маъруф шуд. Файзигул солиёни зиёд дар ансамблҳои Филармонияи давлатии Тоҷикистон фаъолияти эҷодӣ дошт.

Соли гузашта дар суҳбат бо pressa.tj гуфта буд, ки орзуи зиёрати Хонаи Худоро дорад.
Мусоҳибаи охирини Файзигул Юсуфиро дар пайванди зер тамошо кунед.