Филми Аниса Собирӣ соҳиби ҷоизаи фестивалии байналмилалӣ гардид

Филми мустанади шоир ва коргардони тоҷик Аниса Собирӣ “Оҳангҳои даврони рафта” (Rhyth of Lost Time) дар фестивали байналмиллалии “Calvert Journal” ҷоизаи беҳтарин филмро аз нигоҳи тамошобинони хориҷӣ ба даст овардааст.

Филми  “Оҳангҳои даврони рафта” 45 дақиқа буда, мӯҳтавои он дар бораи мусиқиҳои вилояти Бадахшони Тоҷикистон мебошад.

Фестивали маскур аз 18 то 31 октябр тариқи онлайн баргузор гардид, ки дар он 35 филм аз давлатҳои Аврупои Шарқӣ, Балкан, Русия, Қавқоз, ва Осиёи Марказӣ намоиш дода шуданд. Барои ғолибон 6 ҷоиза муқаррар карда шуда буд, ки яке аз онҳо насиби коргардони тоҷик Аниса Собирӣ гардид.  

 Аниса аз зодагони машҳури  Душанбе мебошад. Ӯ тавонистааст, ки  Донишгоҳи ВКД Россияро бо дипломи сурх ва рутбаи лейтенанти калон хатм кунад. Аммо самти асосии фаъолияти ӯ — эҷодкорӣ аст. Вайро шоираи ҷавони тоҷик, нависанда, драматург ва коргардони маъруф номидан мумкин аст. Вай дар бораи худ чунин мегӯяд: «Аз рӯи маълумот — ман ҳуқуқшинос ҳастам ва тахассусам ҳуқуқи ҷиноӣ мебошад, аммо ман ба полис ба кор нарафтаам. Сару либосам, касбам ба ман хеле маъқул аст, аммо ман ба ин назарам, ки шахси эҷодкор набояд худро масруфи соҳаҳои дигар намояд — санъат бо ин рашк мекунад, — эътироф мекунад вай.

Ба ҳар ҳол ман аз тақдир миннатдорам, ки вай маро ба соҳаҳои мухталиф «ҳавола мекард»: ба мақомоти ҳифзи ҳуқуқ, журналистика, кор дар созмонҳои байналмилалӣ, роҳбаладӣ мекардам, хабарнигори аксбардор будам. Ба наздикӣ, таҷрибаи идоракунии иттифоқи ҳунармандонро низ ҳосил кардам. Эҷодкори хуб бояд таҷрибаи бойи ҳаётӣ дошта бошад».

Аниса Собирӣ филми нахустини худ «Кафорат» -ро моҳи июни соли 2017 дар фестивали Россия «Кинотавр» намоиш дода буд. Дар он ҳунармандони маъруфи тоҷик Хуршед Мустафоев ва Тереза Заурбекова, инчунин шоир ва журналист Антон Родин нақш бозидаанд.

Ҳоло Аниса Собирӣ дар Лондон маълумоти пурра дар соҳаи синамо мегирад. Воқеан, дар Лондон Аниса филми «Нолаи танбӯр» -и худро ба ситораи синамои ҷаҳонӣ, яке аз бонуфузтарин одамони сайёра Анжелина Ҷолӣ, инчунин ба аъзои оилаи шоҳии Британия дар доираи ҷашнвораи байналмилалии PSVI international film festival, ки ба мубориза бо зӯроварӣ алайҳи занон бахшида шудааст, намоиш додааст. Ҳамзамон Аниса Собирӣ роҳбарии Маркази фарҳангии тоҷиконро дар Лондон ба уҳда дорад, ки бо ташаббуси Сафири Фавқулода ва Мухтори Ҷумҳурии Тоҷикистон дар Британияи Кабир Масъуд Халифазода оғоз ёфтааст. Ин созмони ғайриҳукуматӣ мебошад, ки сармоягузориҳои фарҳангиро ба Тоҷикистон ҷалб ва фарҳанги тоҷиконро берун аз ҳудуди ҷумҳурӣ таблиғ мекунад. «Падари Аниса — Собир Абидов замоне раҳбари ҳизбӣ, ходими давлатӣ буд, баъдтар ба тиҷорати хусусӣ машғул шуд, модари Аниса Лола Аминова, ки замоне иқтисодчӣ, муҳосиб буд, ба кумакаш омад. Тарбияи духтар асосан ба ӯҳдаи бибиаш буд, волидонаш ба кор банд буданд ва ба санъат ҳеҷ иртиботе надоштанд. Пас рағбат ба адабиёт ва эҷодкорӣ дар қалби Аниса чӣ тавр пайдо шуд? «Мо ҳамеша дар хона китоб доштем — китобҳои зиёд! Муносибат ба онҳо бо эҳтиром ва муқаддас буд. Дар оилаи мо ҳеҷ кас китоби хуберо ба чизи дигар иваз намекунад. Аз хурдӣ ба ман муҳаббат ба адабиёт, ба асарҳои классиконро талқин мекарданд. Ман бо ҳамин ба воя расидам ва то ба наздикӣ танҳо бо забонҳои русӣ ва англисӣ ҳарф мезадам, ҳоло ман бо бисёр забонҳо, аз ҷумла бо забони модариам тоҷикӣ ҳарф мезанам», -мегӯяд Аниса.

Аммо дар оилаи Аниса ба ҳар ҳол одамони эҷодкор буданд. Бобои бузурги Аниса Содиқ Аминов илова бар он, ки дар рушди адабиёт ва санъати он замон саҳми бузург гузоштааст, барои сарояндаи маъруфи шашмақом Барно Исҳоқова шеърҳо навиштааст. Сурудҳои маъруфи «Шаби маҳтобам», инчунин «Куртаи атлас» дар иҷрои Сироҷиддин Фозилов низ ба қалами ӯ тааллуқ доранд. Китоби афсонаҳои ӯ дар Маскав ба табъ расид, аммо азбаски ӯ роҳбари баландпояи ҳизб ва хайрхоҳ буд, ӯ истеъдоди адабии худро ба таври васеъ таблиғ намекард.

Уғулой Қутбиддинзода

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube