Толеъномаи 21-уми апрели соли 2021

Ҳамал (21 март-20 апрел)

Дар ин рӯз ба мушкилиҳои хурди оилавӣ ва душвориҳои молиявӣ дучор мегардед. Имкони муҳокима кардани ҷиҳатҳои мусбиву манфии вазъиятро пайдо мекунед ва нақшаи коратонро тартиб медиҳед. Бештар бо солимгардонии рӯҳу тан машғул шавед, зеро ҷисми шумо дар фасли баҳор ба ин ниёз дорад.  

Савр (21 апрел-20 май)

Агар дар ин рӯз аз муноқиша бо аҳли оила худдорӣ карда, монеаҳои дигарро паси сар карда тавонед, минбаъд муваффақият ҳамсафари шумо хоҳад буд. Нафаре ба кӯмаку дастгирии шумо ниёз пайдо мекунад. Агар имконият дошта бошед, ба ин нафар ҷавоби рад надиҳед. Ба вохӯрии ошиқона дер накунед.

Ҷавзо (21 май-21 июн)

Дар сурати мулоҳизаронии дуруст рӯзро бобарор паси сар мекунед. Аз ӯҳдаи коре, ки қаблан баромада наметавонистед, бо муваффақият мебароед. Агар хоҳиши беҳтар сохтани зиндагии худро дошта бошед, чунин имкон имрӯз бароятон фароҳам меояд. Саломатиятон дар ин рӯз ташвиш намедиҳад.  

Саратон (22 июн-22 июл)

Дар ин рӯз мардонро лозим меояд, ки миёни муносибати ошиқона ва ӯҳдадориҳои оилавӣ якеро интихоб намоянд. Дурандешона амал кунед. Ба қаҳру ғазаб ва кибру ғурур роҳ доданатон боиси пеш омадани душвориҳо мегардад. Ба касе кӯшиши маслиҳат доданро накунед, хусусан, агар аз шумо хоҳиш накарда бошад.  

Асад (23 июл-22 август)

Агар ғалатҳои пештараи худро дар ҷойи кор рафъ карда тавонед, аз фишори рӯҳӣ эмин монда, монеаҳои ҷиддиро паси сар мекунед. Тамоми диққати худро ба хона ва муносибатҳои оилавӣ равона созед. Вазъи саломатиятон мунтазам рӯ ба беҳбудӣ меорад. Ба касе, ки аз шумо маслиҳат мепурсад, ҷавоби рад надиҳед.  

Сунбула (23 август-23 сентябр)

Зимни гуфтор аз сарҳади эътидол берун набароед. Бештар ба ҳарфи дигарон гӯш кунеду нуқтаи назари худро камтар баён кунед. Аз вазъиятҳои моҷароомез дурӣ ҷӯстанатон хуб аст. Дар фаъолияти касбиятон тағйиротҳо ҷолиб рух медиҳанд. Агар ҳушёриро пеша намоед, бурд насиби шумо шуда метавонад.

Мизон (24 сентябр-23 октябр)

Дар ин рӯз имкониятҳои гуногун фароҳам меоянд. Бо шахсони даркорӣ робита намуда, кори даромаднокеро оғоз мекунед. Барои беҳтар сохтани вазъи саломатӣ реҷаи кори худро тағйир дода, бештар дар ҳаракат бошед. Зимни робита бо атрофиён ба дағалӣ роҳ надиҳед, вагарна коратон пеш намеравад.  

Ақраб (24 октябр-22 ноябр)

Нимаи аввали рӯз ҳамкориҳо тақвият ёфта, аз муроҷиат ба роҳбарият бурд мекунед. Бо осонӣ нақшаву ниятҳои худро амалӣ мегардонед. Ақрабҳои муҷаррад бо шахсе шинос мешаванд, ки дар оянда тақдири худро ба ҳам мепайванданд. Баъди нисфирӯзӣ маблағеро аз даст медиҳед ё шахси дилпур хиёнат мекунад.  

Қавс (23 ноябр-21 декабр)

Имрӯз аз субқи содиқ каме нотоб мегардед, вале қарибии нисфирӯзӣ ҳолатон беҳтар мегардад. Кӯшиши танқид ё ба нафаре чизеро омӯхтанро накунед. Ба кори дигарон бинӣ халонидан хислати хуб нест. Бегоҳирӯзӣ пеш аз хоб сайругашт намуда, андешаҳои парокандаи худро ба тартиб оварда метавонед.

Ҷаддӣ (22 декабр-20 январ)

Аз субҳи содиқ нофаҳмиву низоъро интизор бошед. Сабаб дар кибру ғурур, фориғболӣ ва дағалиятон нисбати атрофиён аст. Зимни робитаҳо бодиққат ва ботамкин бошед, танҳо дар ҳамин сурат бурд карда метавонед. Барои табобат намудани беморие, ки азиятатон медиҳад, пулро дареғ надоред.  

Далв (21 январ-18 феврал)

Дар ин рӯз тағйироти махсусро интизор нашавед. Чӣ гуна гузаштани рӯзро нафаҳмида мемонед. Муносибатҳоятон бо шахсе, ки дӯсташ медоред, ором ҷараён мегиранд. Хабари хуш ё туҳфаро интизор бошед. Ба саломатиятон бештар диққат диҳед. Каме нотоб гашта, бе ягон сабаб зиқ мешавед.  

Ҳут (19 феврал-20 март)

Рӯзи санҷишу фитнаангезӣ буда, бебарор аст. Хатари ҷароҳат бардоштанатон зиёд аст, бодиққату эҳтиёткор бошед. Барои шунидани хабари ногувор омода бошед. Ба кибру ғурур роҳ надиҳед. Аз сабру таҳаммули шумо муваффақияту пешравиҳоятон вобастагӣ доранд. Ба саломатӣ диққат дода, худро хаста нагардонед.  

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *