Толеъномаи 27-уми ноябри соли 2021

Ҳамал (21 март-20 апрел)

Дар ин рӯз ба танбалӣ роҳ надода, дар корҳои майда-чӯйда бодиққат бошед. Дағалӣ нисбати шахси дӯстдошта ё ҳамсафари ҳаётӣ боиси моҷаро мегардад, асабонияту нобоварӣ бошад, вазъиятро душвортар месозад. Аз муноқиша худдорӣ намуда, роҳҳои оштишавиро ҷӯед. Аз ҷойҳои серодам канораҷӯӣ намуда, аз истеъмоли нӯшокиҳои сарду газнок худдорӣ намоед.

Савр (21 апрел-22 май)

Имрӯз шумо дар хона нишаста ё бо кор машғул шудан намехоҳед. Тақдир шуморо бо нафаре рӯ ба рӯ месозаду дӯсти вафодор пайдо месозед. Мушкилиҳои молиявиатон ба зудӣ рафъ мегарданд. Аз бадхоҳии душманон эҳтиёт шавед. Дар масъалаи саломатӣ ҳушёриро аз даст надиҳед, тозагиро риоя намуда, хонаву дари худро тамиз намоед.

Ҷавзо (23 май- 21 июн)

Ба ҳаёти худ макру фиребро ворид насозед, вагарна он доғи сиёҳе, ки дар шаъну шарафатон пайдо мешавад, ба зудӣ шуста намешавад. Маблағи худро баҳудаву беҳуда сарф накунед, хусусан агар вазъи молиятон душвор бошад. Ҷавзоҳои оиладоре, ки ба муносибатҳои ошиқона роҳ медиҳанд, сирашон фош мегардад.

Саратон (22 июн- 22 июл)

Дар мадди аввал бояд ғами саломатии худро хӯрда баъдан аз пайи кор шавед. Агар витамин истеъмол карда, аз гармохунукшавӣ эҳтиёт шавед, бемориҳоро пешгирӣ мекунед. Дар роҳ эҳтиёт шавед ва аз ҷонварони кӯчагӣ худро дур гиред. Шамол хӯрданатон имкон дорад. Дар муносибатҳои шахсӣ рашкро камтар кунед.

Асад ( 23 июл- 23 август)

Эҳтимоли гум кардани пулҳоятон вуҷуд дорад, аз ин рӯ, ҳушёриро пеша намоед. Сабукандешӣ ва сабукрафторӣ ба ҳаёти шахсиятон таъсири манфӣ мерасонад. Ба эҳсосот дода нашавед. Аз боварии роҳбарият набароед.

Сунбула (24 август-23 сентябр)

Аз пешниҳодҳои шубҳанок худдорӣ намоед, хусусан дар масъалаҳои молиявӣ. Дар ҷодаи муҳаббат ба роҳи макру фиреб наравед ва заифӣ накунед. Муносибатҳои худро бо дӯстони ранҷидаатон барқарор месозед. Ба муноқишаву низоъ роҳ надиҳеду гузашт кунед ва нофаҳмиҳо рафъ мегарданд.

Мизон (24 сентябр- 23 октябр)

Рӯзи душвор аст, бояд аз пештара бештар уҳдабаро бошед. Агар имкон дошта бошед, диққати худро ба тиҷорати шахсӣ равона созед. Агар мошин дошта бошед, ба сафарҳои роҳи дур бо мошини худ бароед, аз нақлиёти ҷамъиятӣ эҳтиёт шавед. Тамоми кӯшишу диққати худро ба саломатӣ равона созед.

Ақраб (24 октябр- 22 ноябр)

Мушкилот дар касбу кор ва рафтори наздикон муносибатҳоятонро тағйир дода наметавонанд. Хабару навигариҳоро бо чихеле ки ҳаст, қабул намоед. Қаҳру ғазаби худро ба нафарони бегуноҳ нарасонед, вагарна обрӯву нуфузатон рехта, вазъиятро душвортар месозад. Хариди калонро ба таъхир гузоред.

Қавс ( 23 ноябр – 21 декабр)

Бо наздикони худ муноқишаи зиёд накунед. Агар аз онҳо кӯмаки молиявӣ мехоста бошед, айни замон ба саховатмандияшон умед баста метавонед. Кинаро дар дил гирифтан расми одамӣ нест. Баъзе масъалаҳоро дар танҳоӣ ҳал карда наметавонед. Дар бобати қарзҳои гирифташуда бепарвоӣ зоҳир накунед.

Ҷаддӣ (22 декабр- 20 январ)

Дар ин рӯз муносибатҳои худро бо дӯстон хуб нигоҳ дошта, ба баҳсу мунозира роҳ надиҳед. Аз ҷониби нафаре, ки интизор набудед, кӯмак мебинед. Дар ҷодаи муҳаббат макру фиреб эҳтимол дорад, аз ин рӯ, сабур бошед. Хариди ногаҳонӣ ё сарфи пул имкон дорад. Худро аз бемориҳои сироятӣ ҳифз намоед.

Далв (21 январ- 20 феврал)

Дар ин рӯз аз ҷойҳои серодам дурӣ ҷуста, беҳтараш дар танҳоӣ сайругашт кунед. Аз ғайбату бадгӯӣ эҳтиёт шавед. Нафаре боз дар фикри бадии шумо аст. Ҳангоми чизеро ваъда додан бодиққат бошед. Мардҳо пешниҳоди нави корӣ мегиранд, барои розигии худро додан хуб андешиданашон лозим меояд.

Ҳут (21 феврал- 20 март)

Дар ин рӯз ба пул сахт дил набандед. Агар нисбати шахси наздикатон дағалӣ зоҳир намоед, дар ҷавоб дучори қаҳру ғазаб мегардед. Дӯстдоштаи худро бо тамоми камбудиҳояш қабул намуда, аз ӯ олиҳа наҷӯед. Ҳутҳое, ки гирифтори хиёнат мегарданд, дучори асабхаробӣ ва руҳафтодагӣ мегарданд. Ба одамон кӯр-кӯрона бовар накунед.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Назари дигар доред? Нависед!

Leave a Reply

Ваш e-mail не будет опубликован.