Ифтитоҳи бинои мақомоти ҳифзи ҳуқуқ дар Вахш (чанд акси ҷолиб)

27 октябр Президенти кишвар Эмомалӣ Раҳмон дар доираи сафари корӣ дар ноҳияи Вахш бинои Гурӯҳи «Тоҷикобод»-и шуъбаи ноҳияи Вахши Раёсати Кумитаи давлатии амнияти миллии Ҷумҳурии Тоҷикистон дар вилояти Хатлонро ифтитоҳ карданд.

Зимни суҳбат бо кормандон Сарвари давлат Эмомалӣ Раҳмон онҳоро ба хизмати содиқонаву софдилона бар нафъи давлату миллат ҳидоят карданд.

Бинои Гурӯҳи «Тоҷикобод»-и шуъбаи ноҳияи Вахши Раёсати Кумитаи давлатии амнияти миллии Ҷумҳурии Тоҷикистон дар вилояти Хатлон аз се ошёна ва 5 ҳуҷраи корӣ иборат буда, дар он барои кору зиндагии кормандон шароити муосир муҳайё карда шудааст.

Дар ошёнаҳои дуюм ва сеюми бино ду хонаи сеҳуҷрагӣ ва 2 хонаи дуҳуҷрагӣ сохта шудааст.

Дар саҳни ҳавлӣ пас аз ифтитоҳи иншоот Президенти мамлакат Эмомалӣ Раҳмон ба се оилаи хизматчиён калиди хонаҳои истиқоматӣ тақдим намуданд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube