“Барқи тоҷик”: Қарздорон ва “пурхӯрон”-ро хомӯш кунед!

Дар як  телфонограммаи худ ширкати «Барқи Тоҷик» ба ниҳодҳои тобеи худ дастур додааст, ки шахсони қарздор ва корхонаву муассисаҳоеро, ки барқи зиёд мегиранд, аз гармиву рӯшноӣ маҳрум кунанд.

Дастур бо имзои муовини раиси ширкат Муҳаммад Ғуломзода аз 3-юми ноябр содир шуда, ҳадафаш «сарфакорона истифода намудани захираҳои энергетикӣ ва беҳтар кардани таъминоти барқ ба соҳаҳои иҷтимоиву иқтисодии кишвар дар зимистон» гуфта шудааст.

Чун шикояти мардум аз хомуш карда шудани барқ дар  деҳот зиёд аст, ҳар замон ин ширкат мардумро мутмаин месозад,ки ягон хел реҷаи барқ ҷорӣ нашудааст ва танҳо таъмир рафта истодааст. Аммо то ҳол муҳлати баохиррасии ин “таъмир” мушаххас нашудааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube