Рӯзнома зиёд, "Тоҷикистон" яктост!

Камол Насруллоҳ ва Ниҳонӣ: ғолибони озмуни шеъри Ваҳдат (АКС)

2 озмуни шеъри ҳафтаномаи «Тоҷикистон» — «Беҳтарин шеър дар соли 2016-и ҳафтаномаи «Тоҷикистон» ва «Шеъри беҳтарин дар мавзӯи Ваҳдати миллӣ», ки ду моҳ қабл эълон шуда буд ба охир расид. Озмунҳо ба муносибати 20 солагии ҷашни Ваҳдати миллӣ ва 25 солагии ҳафтаномаи «Тоҷикистон» роҳандозӣ шуда, барои ҳар кадом 3500 сомонӣ (ҷамъ 7 000 сомонӣ) мукофотпулӣ эълон шуда буд.

Ҳамин тавр дар озмуни «Беҳтарин шеър дар соли 2016»-и ҳафтаномаи «Тоҷикистон»: ҷойи аввал насиби шоир Ниҳонӣ, ҷойи дуюм – Ҳаёт Неъмати Самарқандӣ, ҷойи сеюм насиби Асрори Сомонӣ гардид.

Дар озмуни «Беҳтарин шеър дар мавзӯъи Ваҳдати миллӣ» бошад: Шоири халқии Тоҷикистон Камол Насрулло – сазовори ҷойи аввал. Бузургмеҳри Баҳодур ҷойи дуввум ва Чӯпон Бадали Ванҷӣ сазовори ҷойи сеюм гардиданд.

Барои баҳогузорӣ ба шеърҳо ва муайян намудани ғолиб ҳайати   ҳакамони босалоҳият, ки иборат аз се нафаранд: — Шоири халқии Тоҷикистон Гулназар, профессор Абдулҳай Муҳаммадаминов ва адабиётшинос Мирзо Солеҳов, таъсис ёфт. Аъзои ҳайати ҳакамон шеърҳро аз рӯйи се талабот: бозёфти шоирона, мазмуну мундариҷа ва забону вазн барассӣ намуда аз рӯйи ҷадвали даҳбала баҳогузорӣ намуданд. Натиҷаи баҳогузории ҳакамон ба барномаи махсуси компютерӣ ворид карда шуда, номи ғолибон муайян карда шуд.

Маросими супоридани диплому мукофотпулиҳо ба ғолибон шоми дирӯз дар тарабхони «Истаравшан»-и шаҳри Душанбе бо иштироки меҳмонон ва ғолибон баргузор гардид.

  

 

کمال نثر‌الله و نهانی برندگان آزمون شعر وحدت -عکس

 

Шарҳ

3 шарҳ вуҷуд дорад
  1. Мухиддин Идизода 21.06.2017 08:25

    Канд зан Шариф Худо шуморо мададгор аст

  2. Раъно Зоирдухт 21.06.2017 15:37

    Икдоми хайрро Точикистон ба рох гузоштааст .Дигар Шариф марди шариф аст ва ба кадри ахли сухан мерасад

  3. Раъно Зоирдухт 21.06.2017 15:39

    Офарин Точикистон ва мардони шарифи миллат,ки кадри суханро медонед

Leave a Reply

Ваш e-mail не будет опубликован.