Парвиз Назаров дар Душанбеву Хуҷанду Хоруғ консерт баргузор мекунад

Парвиз Назаров сарояндаи машҳури тоҷик 30 солагии фаъолияти эҷодии худро дар як силсилаконсерти ҳисоботии худ ҷамъбаст мекунад. Консертҳои ӯ ба шакли турне дар Душанбе, Хуҷанд, Хоруғ, Қурғонтеппа ва Кӯлоб баргузор мешавад. Ин турне санаи 18 ва 19 августи дар Душанбе оғоз мешавад.

“Ман фаъолияти сисолаи худро дар як консерти ҳисоботи ҷамъбаст карданӣ ҳастам. Кош тамошобин донад, ки дар ин си сол мо чӣ кор кардем ва ба кадом дастовардҳо ноил шудем. Ин консерт умед дорам, ки барои идомаи эҷодиёти ман як қадами ҷиддӣ хоҳад шуд.”

Парвиз Назаров мегӯяд, ки репертуари консерти ӯ сурудҳои бо чанд забон эҷоднамудаи ӯро дар бар мегирад.

“Бо забони тоҷикӣ 12 суруд ва боқи бо забони русӣ ва дигшар забонҳо сурудҳои ман пешкаш хоҳанд шуд. Суруди тоҷикии “Ёди Ватан”-ро бори аввал дар ин консерт месароям. Як суруди дигар ҳаст, ки “Дӯс ё не?” ном дорад ва онро мо аллакай клип кардем. Дар ин суруд намояндаҳои миллатҳои дигар бо забони тоҷикӣ бо ман суруд мехонанд. Ин як таҷриба ҳаст, ки ба мухлисон умедворам писанд меояд”- гуфт ӯ.

Парвиз Назаров соли 1971 таваллуд шуда, дар Душанбе ба воя расидааст. Ихтисосаш рассом аст ва муддате аз рӯйи ихтисос дар “Тоҷикфилм” ҳам кор кардааст. Аммо баъдан рассомиро раҳо карда, ба мусиқӣ машғул шуд. 1987 дар гурӯҳи “Адвокат” вокалист ва барабаннавоз буд. Соли 1989 дар гуруҳи “Парвин” фаъолият кард ва аз соли 1993 дар алоҳидагӣ фаъолият мекунад.Ҳоло ӯ дар Қазоқистон кору зиндагӣ мекунпад ва гурӯҳи худро дорад.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *