Макс Холлоуэй муҳорибаи такрорӣ мехоҳад

Собиқ чемпиони UFC дар вазни нимсабук Макс Холлоуэй Конор Макгрегорро ба муҳорибаи такрорӣ даъват кард ва варзишгари ирландӣ посух дод.

— Ман бо Конор Макгрегор такроран ҷангидан мехоҳам, зеро дар вазни нимсабук ман ягона варзишгаре ҳастам, ки бо ӯ се раунд ҷангидам ва бо қарори доварон бохтам. Фикр мекунам, хуб мешавад пас аз ин қадар солҳо бори дигар ба майдон бароем,- гуфтааст Макс.

Дар идомаи суханрониаш Макс қайд кардааст, ки дар ҳоли ҳозир омодааст дар дилхоҳ вазн бо Конор ба майдон барояд ва ба боварии ӯ набардашон шавқовар аст барои ҳаводорони муҳорибаҳои омехта.

Дар ҷавоби суханони Макс Холлоуэй Конор Макгрегор чунин посух додааст:

— Ман ҳеҷ вақт ба нафақа намебароям. Аз ин сабаб, ману ту бо ҳам вомехӯрем, дӯстам.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube