Рӯзнома зиёд, "Тоҷикистон" яктост!

Боз заминларза дар Рашт…

Дар Тоҷикистон боз як заминларза рух дод, ки онро пойгоҳҳои зилзиласанҷии байналмилалӣ сабт кардаанд.
Бино ба хабари Маркази сейсмологии Аврупо – Баҳри Миёназамин субҳи барвақти 13.07.21 дар Тоҷикистон дар минтақаи Рашт заминларзаи дигаре рух дод.

Заминларза дар ин минтақа соати 06:08 ба вақти маҳаллӣ сабт карда шудааст.
Тибқи иттиллои манбаъ қувваи заминларза 4 балл буда, дар умқаш тақрибан 5 километр рух додааст.

Маркази ҷумҳуриявии мониторинги пешгӯии сейсмикии Вазорати ҳолатҳои фавқулодаи Ӯзбекистон низ заминҷунбии Тоҷикистонро сабт кардааст.
Маврид ба зикр аст, ки 10-уми июл дар 165 километр шимолу шарқи шаҳри Душанбе, 21 километраи шарқи ноҳияи Рашт, заминларза рух дод, ки қувваи он дар марказаш 5-6 балл, дар шаҳри Душанбе 2-3 баллро ташкил дод.

Комиссияи ҷумҳуриявии ҳолатҳои фавқулодда расман иттилоъ дод, ки бар асари ин заминларза 5 нафар сокини ноҳияи Тоҷикобод ба ҳалокат расида, 16 нафар маҷруҳ шуда, феълан дар беморхонаанд.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.