Дар Олмон мардум гиря доранд, дар Вашингтон Ангела Меркел ханда…

Дар шабакаҳои иҷтимоӣ навори маросими ботантана бо иштироки садри аъзами Олмон Ангела Меркел дар Донишгоҳи Ҷонс Ҳопкинс нашр гардид.

Дар Вашингтон дар Донишгоҳи Ҷонс Ҳопкинс маросими супоридани ҷоизаи доктори фахрӣ ба садри аъзами Олмон Ангела Меркел баргузор гардид.
Дар рафти ин маросим ба Мрекел либос низ пӯшониданд, ки боиси хандаи садҳо донишҷӯёну устодоне, ки дар толор менишастанд, гардид.
Ин навор дар шабакаҳои иҷтимоӣ низ «машҳур» гашт.

Дар навор дида мешавад, ки чигуна ба Меркел «капюшон» ҳадя мекунанд. Ӯ бо хурсандӣ тӯҳфаи фахриро қабул мекунад ва мехоҳад онро пӯшад, вале…
Меркел авал кӯшиш мекунад, ки сарпӯшро чаппагардон кунад — наметавонад, сипас кӯшиши пӯшидан мекунад — боз наметавонад.

Ба кӯмаки садри аъзам як намояндаи донишгоҳ мешитобад, ӯ низ нахуст либосро нодуруст мепӯшонад ва сипас онро кашида, аз нав дар китфи Меркел ҷой медиҳад.

Ин қазия боиси хандаи як толор тамошобинон мегардад. Меркел баъди баланд шудани садои ханда дар толор лабханд базавқ табассум мекунад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube