Рӯзнома зиёд, "Тоҷикистон" яктост!

Мо фариштахӯем бидуни мо ҳич як ҳокимияте пойдор нест!!!

Занон дар Афғонистон эътирози худро бар зидди мақомоти нав идома хоҳанд дод: онҳо аз Толибон чӣ талаб доранд?

Занон дар вилояти Ҳироти Афғонистон ба кӯчаҳо баромаданд. Онҳо бар зидди Толибон даст ба эътироз заданд, иттилоъ додааст хабаргузории РИА Новости таакя ба манобеи худ.

Заноне, ки даст ба эътироз заданд ба ҳукумати нави Толибон* чанд шарт гузоштанд. Яке аз шарту талабҳои занони афғон ин риояи ҳуқуқи занон ва иштироки занон дар зиндагии сиёсии давлат аст.

Ба гуфтаи тазоҳуркунандагон, бидуни намояндагии занон, ҳеҷ як “ҳукумат устувор ва пойдор нахоҳад буд”.

Илова бар ин, иштироккунандагони ин роҳпаймоӣ зиддияти худро бар ҳукумронии Толибон* баён карданд. Онҳо ҳамчунин аз ҷомеаи ҷаҳонӣ даъват карданд, ки “занони афғонро фаромӯш накунанд”.

Бояд қайд кард, ки дар ин роҳпаймоӣ фаъолони маҳаллӣ, донишҷӯён ва кормандони муассисаҳои давлатӣ низ ширкат доштанд.

Ин аввалин роҳпаймоиҳои эътирозӣ бо ҳузури занон баъд аз тағйири қудрат дар Афғонистон нест. Қаблан чунин як роҳпаймоӣ дар Кобул баргузор шуда буд.

Эътирозгарон дар назди кохи раёсати ҷумҳурӣ ҷамъ омада, ҳаққи таҳсил, кор ва ширкат дар ҳаёти сиёсии кишварро талаб карда буданд.

Қаблан Толибон* гуфта буданд, ки занон ба ҳукумати ояндаи Афғонистон даъват карда мешаванд. Ба гуфтаи ин гурӯҳ, онҳо намехоҳанд, ки занон худро мазлум ва ҳамчун қурбониён эҳсос кунанд.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.