Президант фармони авфро имзо кард

Бахшида ба 28-солагии қабули Конститутсия, президенти Ӯзбекистон Шавкат Мирзиёев фармони авфи 104 сокинеро имзо кард, ки дар муассисаҳои ислоҳӣ адои ҷазо мекунанд, хабар медиҳад Озодӣ

Тибқи иттилои манбаъ аз ин шумор 6 тан комилан аз адои ҷазо озод, 50 тани дигар пеш аз муҳлат аз зиндон раҳо мешаванд ва ҷазои 7 тани дигар сабук мегардад. Ба илова, муҳлати ҳабси 41 тани дигар кам карда мешавад.

Гуфта мешавад, ки миёни касоне, ки дар авф дохил шудаанд, 13 шаҳрванди хориҷӣ, 9 марди аз 60-сола боло, 1 зан, 21 каси дигар, ки дар созмонҳои мамнуъ аъзо буданд, шомил ҳастанд.

Бояд ёдовар шуд, ки дар соли ҷорӣ ин бори чаҳорум аст, ки Мирзиёев фармони авф имзо мекунад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube