Толеъномаи 10-уми январи соли 2022

Ҳамал (21 март-20 апрел)

Корҳоятон дар ин рӯз хуб ҷараён гирифта, нақшаҳо амалӣ мегарданд. Вақте расидааст, ки нафарони муҷаррад аз пайи бунёд намудани оила гарданд. Барои харидани хона, иҷора гирифтану аз нафаре пул қарз кардан рӯзи бобарор аст, вале маблағи зиёд барои хариди бемаънӣ сарф карданро маслиҳат намедиҳем. Рашк ва хиёнат муносибатҳои ошиқонаатонро комилан душвор месозанд. Бонувон бояд ба саломатӣ бодиққат, дар вақташ хобу истироҳат намоянд.

Савр (21 апрел-22 май)

Дар ин рӯз ба эҳсосот дода нашавед, вагарна, дар кору ҳисоби пул ба ғалат роҳ дода метавонед. Ба ҳеҷ ваҷҳ ба фикру андешаҳои мағшуш дода нашавед, табъи худро болида нигоҳ доред. Дар кӯча ё нақлиёт бо нафаре шинос мешавед, ки дунёи шуморо комилан тағйир дода, бо тамоми ҳастӣ ошиқ мегардед. Ба худтабобаткунӣ машғул шуда, ба худ танҳо зарар мерасонеду халос.

Ҷавзо (23 май-21 июн)

Муҳаббату ҳамдигарфаҳмие, ки дар хонадонатон аст, ба вазъи молиявии шумо таъсири мусбат мерасонад. Дастгирии шахсе, ки дӯсташ медоред, дар ҳалли масъалаҳои муҳим шуморо муваффақ мегардонад. Яку якбора кӯшиши ҳама корро ба сомон расонидан накунед. Дар ин рӯз гурусна гаштанро маслиҳат намедиҳем. Бемории дар ин рӯз сарзадаро танҳо баъди тоза намудани ҷисм аз заҳру ифлосиҳо рафъ карда метавонед.

Саратон (22 июн-22 июл)

Вазъи молиявиатон дар ин рӯз рӯ ба беҳбудӣ меорад. Маблағи хуб ба даст меоред ва агар онро ба кори сердаромад маблағгузорӣ намоед, бурд мекунед. Нимаи аввали рӯз ба дағалӣ роҳ надиҳеду нимаи дуюми рӯз аз саросемагӣ худдорӣ намоед. Табобати дар ин рӯз саркарда натиҷаи дилхоҳ намедиҳад. Нафаре ба бахти шумо ҳасад мебарад.

Асад (23 июл-23 август)

Дар ин рӯз хатари рух додани муноқишаву нофаҳмӣ бо ҳамкорон зиёд аст. Вохӯриву сафарҳоро ба нақша нагиред. Иваз кардани ҷойи кор ё пайдо намудани манбаи нави даромади пулиро низ тавсия намедиҳем, зеро эҳтимоли фиреб хӯрданатон зиёд аст. Шахси дӯстдоштаатон ба хотири ҷалб намудани диқкати шумо кӯшиши зиёд ба харҷ доданаш лозим меояд.

Сунбула (24 август-23 сентябр)

Муносибатҳои ошиқонаи шумо ба як оилаи хушбахт мубаддал гашта метавонад. Фаромӯш насозед, ки санги вазнинро об намебарад. Барои сазовори зиндагии шоиста гаштан шумо бояд тарзи ҳаёти солимро пеш баред. Вазъи молиявиатон мунтазам рӯ ба беҳбудӣ меорад. Эҳтимоли хурӯҷ намудани бемории илтиҳоби меъда дар назар аст.

Мизон (24 сентябр-23 октябр)

Дар ин рӯз мағозаву бозоргардӣ бар зарари ҳамёнатон мегардад. Нафаре аз наздикон аз шумо кумаки молиявӣ мепурсад. Аз дарди сар азият кашида, нафароне, ки бемориҳои музмин доранд, нотоб мегарданд. Ба гуфтору рафтори худ диққат диҳед, вагарна, шахси дӯстдоштаатонро сахт меранҷонед.

Ақраб (24 октябр-22 ноябр)

Дар масъалаҳои пулкоркунӣ аз роҳҳои санҷидашуда истифода баред, вагарна бо кисаи холӣ мемонед. Эҳтимоли руҳафтодагӣ ва асабоният дар назар аст. Нимаи дуюми рӯз барои хоб вақтатонро дареғ надоред. Дар масъалаҳои ошиқона бонувон бояд ба садои дил гӯш диҳанд. Дар ин рӯз хӯрдани маҳсулоти нониро тавсия намедиҳем.

Қавс (23 ноябр-21 декабр)

Вазъи молиявиатон рӯ ба беҳбудӣ меорад. Масъулиятнокӣ ва ҳисобу китоби дақиқ боиси пешравиҳои касбӣ ва боиси афзудани обрӯву мақоматон дар байни ҳамкорон мегардад. Баъди нисфирӯзӣ вохӯрии ошиқона боиси муносибатҳои мустаҳкаматон мегардад. Хастагии вақтҳои охир ба саломатиатон беасар намемонад.

Ҷаддӣ (22 декабр-20 январ)

Рӯзи душвор аст. Барои мардон шиносоӣ дер давом намекунад. Ба хотири рангину гуворо сохтани зиндагии якрангатон шахси дӯстдоштаатон на вақтро дареғ медораду на маблағро. Бо вуҷуди сар задани каме нофаҳмиҳо кӯшишҳои ӯро ба инобат гиред. Кӯшиш намоед, ки роҳҳои нафас дар ин рӯз шамол накашанд.

Далв (21 январ-20 феврал)

Дар ин рӯз дар ҷодаи касбу кор ва масъалаҳои молиявӣ ба ғалат роҳ дода метавонед. Ба фикру андешаҳои мағшуш дода нашавед. Муносибатҳои ошиқонаатон чандон хуб ҷараён намегиранд. Нисбати саломатӣ бодиққат бошед. Ҳангоми интихоби маҳсулоти хӯрока бодиққат бошед, зеро эҳтимоли бад шудани саломатӣ вуҷуд дорад.

Ҳут (21 феврал-20 март)

Мушкилиҳои молиявии дар ин рӯз сарзада бо сабаби дӯстон ва иғвогарии дигарон сар мезанад. Орзуву омолҳои хомро аз сар дур созед. Дар ин рӯз аз истеъмол кардани хӯроки тунд худдорӣ намоед. Дар ин рӯз гирифтори руҳафтодагӣ ва асабоният шуданатон эҳтимол дорад.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *