Оё бехоб зистан мумкин аст?

Агар одам ба қадри кофӣ бе ғизо ва ҳатто бе об зиндагӣ карда тавонад, пас ӯ муддати дароз бе хоб зиста наметавонад. Хоб воқеан барои чӣ лозим аст ва шахс то кадом андоза метавонад бе хоб зиндагӣ кунад?
Мо одат кардаем, фикр кунем, ки баданамон ҳангоми хоб истироҳат мекунад. Аммо, ба гуфтаи олимон, ин пурра дуруст нест, зеро майна ва дигар узвҳои дохилии мо доим кор мекунанд. Пас, чаро инсон ба хоб ниёз дорад?
Коршиносон маслиҳат медиҳанд, ки чунин як озмоиши хатарнокро мустақилона анҷом надиҳед ва чанд шаб пай дар пай бедор набошед. Ҳарчанд олимон ба ин савол, ки чаро хоб лозим аст, ҷавоби мушаххас надоранд, онҳо розӣ ҳастанд, ки хоб воқеан муҳим аст. Дар хоб майнаи инсон иттилооти дар давоми рӯз гирифташударо коркард мекунад ва аз маълумоти нолозим халос мешавад, ҳама чизи нолозимро “мепартояд” ва дар хотира танҳо он чизе ки воқеан муҳим аст, боқӣ мемонад. Илова бар ин, хоб барои барқарор кардани тамоми системаҳои бадан, аз ҷумла системаи асаб ва иммунатсионӣ муҳим аст. Натиҷаҳои таҷрибаҳои сершуморе, ки ба муайян кардани оқибатҳои набудани хоби тӯлонӣ нигаронида шудаанд, нишон доданд, ки бемороне, ки муддати тӯлонӣ бедор ҳастанд, иммунитеташон паст мешавад, хотира бад мешавад, равандҳои мубодилаи моддаҳо вайрон мешаванд ва фишори асаб ба амал меояд. Набудани истироҳати шабона ва хоб боиси мушкилоти боз ҳам ҷиддӣ барои саломатӣ мегардад. Ҳамин тариқ, консентратсияи шахс коҳиш меёбад, пас тамаркуз пурра аз байн меравад, нутқ номувофиқ мешавад, галлюцинатсияҳо пайдо мешаванд. Органҳои дохилӣ (хусусан дил ва ҷигар) амалан иҷрои вазифаҳои худро қатъ мекунанд. Хамаи ин аввал боиси гум шудани шуур ва баъд марг мешавад. Дар одам пас аз 3—5 р9зи хоби чиддии саломатй ( ихтилоли физиологй ва равонй) пайдо мешавад. Ва дар 7-8 рӯзи бе хоб дар майна тағйироти бебозгашт оғоз мешавад, ки дар ниҳоят оқибати марговарро ба бор меорад. Дуруст аст, ки бояд қайд кард, ки ҳолатҳои тӯлонии бедоршавӣ низ маълуманд. Ҳамин тариқ, дар соли 1964, мактаббачаи амрикоӣ Рэнди Гарднер тавонист то 264 соат (11 рӯз) бедор монад, ин натиҷа дар Китоби рекордҳои Гиннес сабт шудааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube