Рӯзнома зиёд, "Тоҷикистон" яктост!

Боз як ҳарзаи Жириновский дар бораи Тоҷикистон

Владимир Жириновский, раиси Ҳизби либерал-демократи Русия пешниҳод кардааст, ки кишварҳои ИДМ бояд  ба ҳайати Русия ҳамроҳ шаванд.

Владимир Жириновский гуфт, ки сиёсатмадорони кишварҳои ҳамсуд метавонанд тадриҷан як чизе қудратмандтар аз ИДМ бисозанд.

Ӯ дар суҳбат бо радиои “Говорит Москва” таъкид дошт, ки муносибатҳои Русия ва Беларус ҳоло дар шакли кишвари шарик нигоҳ дошта мешаванд.

Сиёсатмадор илова кард, ки ҳамин гуна шакл метавон ба Қирғизистон ва Тоҷикистон низ пешниҳод кард.

“Беҳтарин роҳи ҳалли ҳама масъалаҳо, таъмини амнияти комил ва рушди иқтисод – ин дохил шудани 14 ҷумҳурии собиқи иттиҳоди Шӯравӣ ба ҳайси  вилоят ба ҳайати Русия мебошад: вилояти Душанбе, вилояти Бишкек, вилояти Ереван, вилояти Рига, вилояти Житомир, вилояти Киев ва ғайра”, – гуфт Жириновский.

Инчунин, Жириновский дар суҳбаташ афзуд, ки 20 сол пеш Александр Лукашенко, президенти Беларус ба гуфтаҳои ӯ розӣ будааст ва Лукошенко он замон гуфта будааст, ки Беларус омода аст ба ҳайати Русия шомил шавад.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Барои ин мақола 1 шарҳ ҳаст
  1. Одам 04.03.2021 08:10

    Жириновский торпеда ва шоумени политикхои Россия мебошад, Бо маколи “всё чего нельзя говорит словами, можно с играть музыкой или спеть” амал мекунад.
    Агар пешниход амали шавад, хуб, агар не, фикри шахсии политик будет, мегуяд!!!
    Дар хама давлатхою сохторхо, ва хатто дар дарбори шоххои гузашта низ ” шут при дворе” буданду хастанд, гайр Аз Точикистон и МО!!!

Leave a Reply

Ваш e-mail не будет опубликован.