Президент Мирзиёев: Маоши муаллим бояд 1000 доллар шавад!

Шавкат Мирзиёев, раиси ҷумҳури Ӯзбекистон ният дорад  маоши муаллимонро то 1000 доллари амрикоӣ боло барад.

Дар ин бора Шерзод Шерматов, вазири маорифи Ӯзбекистон дар як нишасти хабарӣ дар шаҳри Тошканд хабар додааст.

Ба гуфтаи Шерматов, ҳоло қонун дар мавриди баланд бардоштани мақоми муаллим таҳия шудааст, ки дар он боло бурдани маоши муаллимон, бахусус, муаллимони мактабҳои таҳсилоти ҳамагонӣ таъкид шудааст.

Зимнан, дар моҳи сентябри соли гузашта маоши муаллимон аз 39 то 49 дарсад афзоиш ёфт. Дар соли 2018 маоши миёнаи муаллимон дар Ӯзбекистон ҳудуди 150 долларро ташкил додааст.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube