Резаахбор: Аз санҷиши Назаров то дарёфти чеҳраҳои нав

Бозигари клуби футболи «Истиқлол»-и Душанбе Аҳтам Назаров, ки дар дастаи мунтахаби футболи Тоҷикистон низ бозӣ мекунад, дар санҷиши дастаи футболи «Андиҷон»-и Ӯзбекистон қарор дорад. Гуфта мешавад, ки шояд Назаров бо ин даста барои ду сол шартнома имзо кунад.

***

Дастаи мунтахаби ҷавонони Тоҷикистон (U-20) дар Анталия бозии сеюми санҷиширо баргузор кард, ки ҳариф пешсафи дивизиони якуми Лаҳистон, бошгоҳи ЛКС-и шаҳри Лодзи буд. Вохӯрӣ бо ҳисоби 1:1 анҷом ёфт. Пеш аз ин шогирдони Олег Кубарев бо ҳамсолонашон аз Ироқ мусовӣ (0:0) карда, аз бошгоҳи «Бухоро»-и Ўзбекистон (1:3) шикаст хӯрда буданд.

***

Аз 1-уми феврал дар муддати 11 рӯз Марокаш мизбони Ҷоми ҷаҳонии футболи бошгоҳҳо хоҳад шуд. Дар мусобиқаи мазкур ҳамагӣ 6 даста —  “Реал Мадрид” аз Испания, “Фламенго”аз Бразилия, “Окленд Сити” аз Зеландияи Нав, “Ал-Аҳлӣ” аз Миср, “Сиэтл Саундерс” аз Амрико, “Видад” аз Марокаш  ва “Ал-Ҳилол” аз Арабистони Саудӣ иштирок мекунанд.

***

Рӯзҳои 11-12-уми феврал дар Маҷмааи варзишии Қасри теннис ва варзиши обии шаҳри Душанбе Чемпионати ҷудои Тоҷикистон баргузор мешавад, ки дар он 250 ҷудокор (230 мард, 20 зан) аз тамоми кишвар ширкат мекунанд. Ин мусобиқа бо мақсади баланд бардоштани малакаи варзишгарон ва дарёфти чеҳраҳои нав барои шомил шудан ба дастаи мунтахаби ҷудои Тоҷикистон доир карда мешавад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube