Волидайни хонандаи бадрафтор ба ҷавобгарӣ кашида шуданд (видео+аксҳо)

Мақомоти милитсияи Душанбе ҳамагӣ баъди 1-соати нашри навор муассисаи таълимӣ ва шахсияти хонандаи бадрафторро, ки иҷборан муаллимаи худро аз синф меронд,  муайян карданд.

Тавре ки  31-уми майи соли ҷорӣ дар сомонаҳои иҷтимоӣ наворе нашр гардид, ки дар он ҳолати аз синфхона рондани муаллимае аз ҷониби як нафар хонанда инъикос ёфтааст. Чуноне дар навор дида мешавад, хонандаи муассисаи таълимӣ нисбати муаллимаи худ беҳурматӣ зоҳир намуда, ӯро бо як лаҳни тунд аз дари синфхона берун мекунад.

Нашри ин навор ва ҳолати бадрафториву беҳурматии хонанда нисбати муаллимаи худ дар шабакаҳои иҷтимоӣ вокунишҳои манфии зиёдеро ба миён оварда, корбарони шабакаҳои иҷтимоӣ аз мақомоти милитсияи пойтахт дархост намуданд, ки нисбати ин хонандаи бадрафтор чораҳои дахлдори қонунӣ андешида шавад.

Вобаста ба ин, аз ҷониби роҳбарияти Раёсати ВКД дар шаҳри Душанбе кормандони самти оперативӣ ҷиҳати муайян намудани ҳодисаи мазкур сафарбар карда шуда, ҳамагӣ баъди 1-соати нашри навор муассисаи таълимӣ ва шахсияти хонанда муайян карда шуд.

Маркази матбуоти Раёсати ВКД дар ш. Душанбе иттиллоъ медиҳад, ки зимни санҷиш муайян гардид, ин амал аз ҷониби ноболиғ Ф.М. санаи таваллудаш 30.03.2004 сокини кӯчаи Н.Қарабеви хонандаи синфи 11 «А» МТМУ №76 ноҳияи Фирдасӣ содир гашта, бо як беэҳтиромӣ муаллимаи фанни алгебра шаҳрванд Ф.М.-ро аз синфхона берун мекунад.

Бо назардошти ҳолати мазкур нисбати падари номбурда шаҳрванд Лиқоев Некрӯз Фармонович, санаи таваллудаш 07. 04. 1972, сокини шаҳри Душанбе кӯчаи Н.Қарабоев барои бемасъулиятӣ нисбати таълиму тарбияи фарзанд бо моддаи 90 Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб ва барои баррасӣ ба Суд ирсол карда шуд.
Ҳамзамон, нисбати ноболиғ Ф.М. ва ҳамсабақонаш суҳбатҳои профилактикӣ гузаронида шуд.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *