Роҳкиро дар Душанбе. Аз арзиши аслӣ то тахфиф дар City Card

Аз 10-уми  ноябри соли равон арзиши роҳкиро дар нақлиёти ҷамъиятии шаҳри Душанбе боло меравад. Дар робита  ба ин тарифҳои City Card низ тағйир меёбанд.

Нархи роҳкиро дар Душанбе чунин хоҳад шуд:

— автобус – 1 сомонию 80 дирам  бо пардохт тариқи корт (бо пули нақд – 2 сомонию 5о дирам);

— троллейбус – 1 сомонию 50 дирам бо корт (2 сомонӣ бо пули нақд);

— микроавтобусҳо (маршруткаҳо) – 2 сомонию 50 дирам;

— як километри роҳкиро дар таксӣ — 3 сомонӣ.

Тахфифҳо барои донишҷӯён ва наврасон

Ғайр аз ин, дар City Card тарифи бо тахфиф барои донишҷӯён ва наврасон вуҷуд дорад.

«Наврас» — дар автобус – 90 дирам, дар троллейбус – 75 дирам. Ин тарифҳо барои кӯдакони синни аз 5 то 12-сола пешбинӣ шудааст.

«Донишҷӯ» — дар автобус – 1 сомонию 26 дирам, дар троллейбус – 1 сомонию 5 дирам. Ин тарифҳо барои донишҷӯёни макотиби олии пойтахт пешбинӣ шудааст. 

«Тахфифӣ» — дар автобус – 1 сомонию 53 дирам, дар троллейбус – 1 сомонию 28 дирам. Тарифи мазкур ҳангоми пур кардани тавозун (баланс)-и корт ба маблағи зиёда аз 90 сомонӣ фаъол мешавад.

Ҳамчунин, дар City Card метавон чиптаи нимсола ё яксолаи роҳкиро дар автобус ва тролеейбусро харидорӣ намуд. Акнун ин чиптаҳо  бо тарифҳои зерин фурӯхта мешаванд:

Барои 6 моҳ:

• мактабхон – 150 сомонӣ;

• донишҷӯ – 200 сомонӣ;

• шаҳрванд – 300 сомонӣ.

Барои 1 сол:

• мактабхон – 200 сомонӣ;

• донишҷӯ – 350 сомонӣ;
• шаҳрванд – 500 сомонӣ.

Корти ягонаи City Сard –ро метавон дар терминал ё фурӯшгоҳҳои воқеъ дар назди истгоҳҳои нави нақлиёти ҷамъиятии Душанбе харидорӣ кард.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube