Роналду беҳтарин футболбози Арабистони Саудӣ шуд

Ҳамлагари тими “Ан-Наср”-и Португалия Криштиану Роналду бар асоси гузориши саҳифаи “Твиттер”-и Лигаи Арабистони Саудӣ беҳтарин футболбози сол дар Арабистони Саудӣ дониста шуд.

Роналду дар чор бозӣ дар ин моҳ ҳашт гол ва ду ассист кардааст. “Ан-Наср” бо 43 хол пешсаф аст.

Дар охири моҳи декабр “Ан-Наср” эълон кард, ки шартнома бо Роналду то моҳи июни соли 2025 имзо шудааст.

Роналду 38-сола аст. Ӯ барандаи панҷкаратаи “Тӯби тиллоӣ” мебошад. Дар тӯли фаъолияти худ дар дастаҳои “Спортинг”-и Португалия, “Манчестер Юнайтед”-и Англия, “Реал”-и Испания ва “Ювентус”-и Италия баромад кардааст. Вай панҷ маротиба дар Лигаи Чемпионҳо ғолиб шуда, се маротиба — қаҳрамони Англия, ду маротиба — қаҳрамони Испания ва Италия гардидааст.

Роналду дар ҳайати Португалия қаҳрамони Аврупо (2016) ва Лигаи Миллатҳо (2018/19) шуд.