Шаҳритус: Раиси ҷамоат худро овехт

Як манбаъ аз МИҲД-и Шаҳритус ба хабаргузории “Азия-плюс” хабар додааст, ки дар ноҳияи мазкур як раиси ҷамоат худро овехтааст.

Гуфта мешавад, ки шаби 11-уми феврали соли 2022 Хушқадам Нодиров — раиси ҷамоати деҳоти Ҷӯра Назарови ноҳияро овехта пайдо кардаанд.

То ҳол омилҳои даст ба худкушӣ задани раиси ҷамоат маълум нест ва мақомоти ҳифзи ҳуқуқ ҳодисаро таҳқиқ доранд.

Тибқи иттилои мавҷуда, Хушқадам Нодирови 34-сола то вазифаи раиси ҷамоат ба ҳайси нотариуси давлатӣ ва сармутахассиси бахши танзими анъана ва ҷашну маросими ҳамин ҷамоат кор кардааст. 

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube