Шикасти Шавкат Раҳимов аз Ҷо Кордина
Варзишгари тоҷик Шавкат Раҳимов дар қувваозмоии марказии шоми бокс аз Ҷо Кординаи уэлсӣ шикаст хӯрд. Набард дар зодгоҳи Кордина — Кардиф баргузор шуд.
— Бритониёӣ дар вазни сабуки IBF бо шикаст додани Шавкат Раҳимов бо қарори тақсимшудаи доварон унвони қаҳрамонии худро дубора ба даст овард,- менависад Sports.tj.
Мубориза хеле тамошобоб ва бошиддат гузашт. Ҳарду муштзан ҳамлаҳои хатарнок анҷом доданд ва ақидаи доварон якхела нашуд: яке пирӯзиро бо ҳисоби 116-111 ба Раҳимов ва дуи дигар ба Кордина бо ҳисоби 115-112 ва 114-113 доданд.
Раҳимов дар раундн дуюм ба нокдаун дучор шуд. Ҳамин тавр, Раҳимов аз унвони қаҳрамонӣ дар вазни дуюми сабуки IBF маҳрум шуд.
Барои муштзани Тоҷикистон ин бохт аввалин бор дар фаъолияти касбиаш буд. Ӯ 17 пирӯзӣ ва як мусовӣ дорад. Кордина дар 16 набард 16 ғалаба ба даст овардааст.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ