2 фавт ва 35 ҳолати нав: омори нави коронавирус дар Тоҷикистон

Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ дод, ки дар як шабонарӯзи охир 35 шаҳрванди Ҷумҳурии Тоҷикистон аз коронавирус сироят ёфта, 28 нафар шифо ёфтанд ва 2 нафар фавтидаанд.

Яъне тибқи иттилои Вазорати тандурустӣ дар мавҷи дуюми коронавирус дар Тоҷикистон 7 нафар вафот кардаанд.

Бояд гуфт, ки пас аз пайдо шудани сару садоҳо дар шабакаҳои иҷтимоӣ билохира рӯзи 21 июн  Ситоди ҷумҳуриявӣ оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии  коронавирус дар Ҷумҳурии Тоҷикистон аз ҷой доштани ҳолатҳои сироятёбии шаҳрвандони мамлакат ба бемории коронавирус иттилоъ дод.

Дар маҷмӯъ, аз 30 апрели соли 2020 то 7 июли соли 2021 дар кишвар 13 690 нафар гирифторони сирояти коронавирус ба қайд гирифта шуда, аз ин шумора то санаи зикргардида 13 437 нафар шифо ёфтаанд ва бар асари бемории мазкур 97 нафар фавтидаанд.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Назари дигар доред? Нависед!

Leave a Reply

Ваш e-mail не будет опубликован.