Рӯзнома зиёд, "Тоҷикистон" яктост!

50 ҳазор кило хурмоҳои Саудӣ куҷо шуд?

Арабистони Саудӣ барои Тоҷикистон 50 тонна хурмо фиристод, аммо аз ягон камбизоат нашунидам, ки як каф хурмо гирифтааст.

Абдулазиз Муҳаммад Ал-Бодӣ, сафири Арабистони Саудӣ дар Тоҷикистон рӯзи 22 май  гуфта буд, 50 тонна хурмо бо дастури подшоҳи Саудӣ тавассути Маркази имдод ва кӯмакҳои башардӯстонаи Малик Салмон ба Тоҷикистон супорида шуд.

Ин миқдор хурмо ҳамчун «тӯҳфаи рамазонӣ»-и ҳукумати Арабистон ба ихтиёри Агентии давлатии захираҳои моддии Тоҷикистон ворид шуда ва дар назар буд, ин миқдор хурмо дар миёни камбизоатон ва ниёзмандон тақсим шавад.

Пас аз нашри ин хабар дар сомонаи Tajikistan Times хонандагон дар мавриди тақдири минбаъдаи хурмои “тӯҳфаи рамазонӣ” пурсон шуданд.

Масалан, Маҳмуди Ашурмуҳаммад навиштааст: “Ғайбат дар моҳи Рамазон гуноҳ асту аммо ҳисси кунҷковӣ боло мегирад. Саудӣ барои Тоҷикистон 50 тонна хурмо фиристод, аммо аз ягон камбизоат нашунидам, ки як каф хурмо гирифтааст”.

Барои рӯшанӣ андохтан ба ин масъала ба Агентии давлатии захираҳои моддии Тоҷикистон, ки дарёфткунандаи кумакҳои башардӯстона аст, муроҷиат кардем.

Абдукарим Раҳимов, як масъули Агентии давлатии захираҳои моддии Тоҷикистон рӯзи 28 май ба Tajikistan Times гуфт, ки ин ниҳод масъули қабул ва нигаҳдории кумакҳои хориҷӣ, аз ҷумла, ҳадяи хурмои Арабистони Саудӣ буда, аммо тақсими ин кумакҳо ба ӯҳдаи Ҳукумати Тоҷикистон аст.

Коршиносон мегӯянд, ҳамасола Арабистони Саудӣ дар моҳи шарифи Рамазон ба унвони ҳадя ба мардуми Тоҷикистон даҳҳо тонна хурмо мефиристад. Аммо то ба ҳол дар мавриди сарнавишти ин хурмо ва ба кадом табақаҳои аҳолии кишвар тақсим шудани он маълумоти расмӣ пахш нашудааст.

.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

4 шарҳ вуҷуд дорад
  1. Саттор 28.05.2019 12:53

    Хамаша дар бозоро муфурушанд

  2. Наргис-75 28.05.2019 13:15

    Хеч гап не пайи дигараш аз бозор харидори мекунему халос…..

  3. Anonymous 02.06.2019 04:07

    Назар Ман хамин АСТ Ки дар мохи Шарифи рамазон яъне ба амонат хиёнат кардан АСТ…

  4. Тохир 03.06.2019 18:50

    Ин хурмохоро дар анборхо ё кирм мехурад ё кирмхои ду-по.

Leave a Reply

Ваш e-mail не будет опубликован.