Рӯзнома зиёд, "Тоҷикистон" яктост!

6 медали юнонию румӣ аз Қирғизистон

Мунтахаби Тоҷикистон оид ба гуштии юнонию румӣ таҳти роҳбарии сармураббӣ Ҳабибулло Абдуллоев аз кишвари Қирғизистон бо 6 медал баргашт.
Паҳлавонони тоҷик дар мусобиқаи байналмилалии ёдбуди вакили парлумони Қирғизистон паҳлавони номӣ Баяман Эркинбаев фаъолона иштирок карданд. Тавре Ҳабибулло Абдуллоев иттилоъ дод, мусобиқаи мазкур аз 27 то 29 октябр дар шаҳри Ош доир шуда, дар он 200 паҳлавон аз Тоҷикистон, Қирғизистон, Ӯзбекистон ва Қазоқистон зӯри бозу озмуданд.
10 варзишгари аъзои мунтахаби Тоҷикистон аз мусобиқаи мазкур 6 медал – 2 медали тилло, 2 нуқра ва 2 биринҷӣ ба даст оварданд. Медалҳои тиллоро дар вазни 66 кг Лоиқ Амирхонзода, 130 кг Азмуддин Ваҳҳобов, нуқраҳоро дар вазни 59 кг Рӯзадор Ҷуганиев, 71 кг Азизбек Шарифзода ва медалҳои биринҷиро Суҳроб Абдулҳаев (75 кг) ва Шарафҷон Файзиев (71 кг) муяссар шуданд.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.