Рӯзнома зиёд, "Тоҷикистон" яктост!

Дар Исроил кӯчаеро ба номи ҳунарманди тоҷик гузоштанд

Дар шаҳри Рамлеи Исроил кучаеро ба номи Ҳунарманди халқии Тоҷикистон Борис Наматиев гузоштанд. Борис або Давидович Наматиев аз яҳудони Бухоро буда, дар баробари ҳунарманди театр, инчунин сароянда ва оҳангсоз низ буд.

Таваллуд ва марги ҳунарманди маъруф Борис Наматиев моҳи январ будааст. 10-уми январи соли 1930 дар шаҳри Киркии Туркманистон дида ба олам кушодааст ва 19 январи соли 2016 дар синни 86-солагӣ дар Байтулмуқаддас тарки олам кардааст. Яке аз чеҳраҳои шинохтаи ҳунари тоҷик буд, ки ҳатто баъди кӯч бастан ба Исроил ансамбли тоҷикӣ бо номи “Бухоро” таъсис додаву муваффақ шудааст. Дар бойгонии радио ва телевизиони тоҷик таронаҳои зиёде аз ӯ маҳфузанд, ки чун фонди тиллоӣ нигаҳдорӣ мешаванд.

На изображении может находиться: 7 человек, люди улыбаются, люди стоят, небо, толпа, дерево и на улице

Борис Наматиев, ҳунарманди театр, сароянда, Ҳунарпешаи шоистаи Тоҷикистон, Ҳунарпешаи халқии Тоҷикистон 10-уми январи соли 1930 дар ш. Киркии Туркманистон ба дунё омадааст. Дар ягон мактаби махсуси ҳунарӣ таҳсил накардааст. Аз соли 1947 дар 17-солагӣ ба сифати мутриб дар Театри давлатии академӣ- драмавии ба номи Лоҳутӣ фаъолияти меҳнатиашро оғоз намуд ва ҳамзамон дар спектаклҳо нақшҳои эпизодӣ мебозид. Иштирокчии даҳаи санъати тоҷик (1941) ва Даҳаи адабиёт ва санъати тоҷик дар Москва (1957). Ба як қатор шаҳрҳои Иттифоқи Советӣ ва Ҷумҳурии Афғонистон (1964, 1968) сафарҳои ҳунарӣ кардааст.

Чун истеъдодаш ҳувайдо гашт, ба зудӣ қатори ҳунармандони асосӣ ҷой гирифт. Беш аз чил сол саҳнаи ин боргоҳи бузургро обод кард, дар қариб 60 намоишнома – «Дил-дили Зайнаб», «Духтари ноком», «Дохунда», «Шоҳ Лир», «Фарёди ишқ», «Ҳаёт ва ишқ», «Лаҳзаи ҷовид», «Ҳуррият», «Дасти дўст» ва амсоли инҳо нақшҳои хотирмон иҷро кард.

Аз хонандагони хуби «Шашмақом» маҳсуб меёфт, мақомҳои «Ироқи Бухоро», «Чапандози Ушшоқ», «Чапандози Гулёр», «Зулфи парешон», «Шаҳнози Гулёр», «Сарахбори Ороми ҷон» ва ғайраро накў адо менамуд.

Соли 1990 ба Исроил кўч баст ва он ҷо театри тоҷикии «Бухоро»-ро созмон дод, ки муваффақ шудааст.
9 – уми январи соли 2016 дар Байтулмуқаддаст аз олам рафт ва дар қабристони ҳамон шаҳр ба хок супурда шуд.

Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.