Рӯзнома зиёд, "Тоҷикистон" яктост!

Машқҳои тактикии муштараки Тоҷикистону Чин

Дар ин бора вазири умури дохилаи Тоҷикистон дар мулоқот бо ҳамтоёни чиниаш ба мувофиқа расидааст

Тоҷикистон ва Чин дар шароити кӯҳсор машқҳои тактикии муштарак доир мекунанд. Дар ин бора Вазорати корҳои дохилаи Тоҷикистон гузориш медиҳад.

Бино бар иттилои манбаъ, рӯзи душанбе, 16-уми август вазири корҳои дохилаи Тоҷикистон Рамазон Раҳимзода бо намояндагони Вазорати бехатарии ҷамъиятии Ҷумҳурии Халқии Чин бо роҳбарии Лю Юнфэн мулоқот кардааст.

“Дар ҷараёни вохӯрӣ ҷонибҳо масъалаҳои гузаронидани машқҳои тактикии якҷояи сохторҳои махсуси Тоҷикистон ва Чинро баррасӣ карданд” – менависад манбаъ.

Интизор меравад, ки тамринҳо аз 17 то 20 август баргузор мегарданд.

Инчунин, Раҳимзода ва Юнфэн масоили мубориза бо дигар намудҳои ҷиноятҳои муташаккил, мубодилаи таҷриба, иттилоот ва омода намудани кадрҳои баландихтисосро мавриди баррасӣ қарор доданд.

Хотррасон мешавем, чанде пеш машқҳои низомии муштараки Тоҷикистон, Русия ва Ӯзбекистон 10-уми август дар наздикии марз бо Афғонистон бо муваффақият анҷом ёфтанд.

Вазорати дифои Тоҷикистон бо нашри гузориш аз ҷамъбасти машқҳои муштарак таъкид намудааст, дар он беш аз 2,5 ҳазор низомӣ ва 25 чархболу ҳавопаймо иштирок намуданд.

Генерал полковник Шералӣ Мирзо, вазири мудофиаи Тоҷикистон, размоиши муштарак бо Ӯзбекистон ва Русияро муваффақ хонда, илова намуд, ки тамоми вазифаҳои гузошташуда пеши низомиён иҷро гардиданд. Ӯ муътақид аст, ки қувваҳои мусаллаҳи кишварҳо тавони посух ба ҳар таҳдидро доранд.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.