Мулоқоти Сумангул Тағойзода  бо Найтхарт Хёфер – Виссинг

Вазири меҳнат, муҳоҷират ва шуғли аҳолии Ҷумҳурии Тоҷикистон  Сумангул Тағойзода  бо Сафири Фавқулода ва Мухтори Ҷумҳурии Федеративии Германия дар Ҷумҳурии Тоҷикистон  Найтхарт Хёфер – Виссинг мулоқот намуд.

Тавре  аз маркази матбуоти ин вазорат хабар доданд, дар ҷараёни мулоқот тарафҳо масъалаҳои ҳамкории дуҷонибаро дар самтҳои фаъолияти вазорат, аз ҷумла, дар самти шуғли аҳолӣ, тайёрии касбии шаҳрвандон, таҳсилоти ибтидоии касбӣ ва таълими калонсолон баррасӣ намуданд. Аз ҷумла, таъкид гардид, ки дар доираи ҳамкорӣ бо Ҷамъияти ҳамкории байналмилалии Германия (GIZ) дар Ҷумҳурии Тоҷикистон «Барномаи  дастгирии ҷараёни ислоҳоти соҳаи таҳсилот ва омӯзиши касбии калонсолон дар Тоҷикистон» аз соли 2008 то соли 2016 амалӣ гардид, ки дар таъмир ва ташкили пойгоҳи моддӣ-техникии марказҳои таълими калонсолон ва филиалҳои он дар шаҳру ноҳияҳои ҷумҳурӣ  саҳми назаррас гузошт.   Инчунин дар доираи барномаи мазкур устоҳои таълими истеҳсолии муассисаҳои таҳсилоти ибтидоии касбӣ барои омухтани таҷриба ба Ҷумҳурии Федеративии Германия ва Ҷумҳурии Беларус сафарҳои омӯзишӣ намудаанд, ки дар раванди омода намудани мутахассисони баландихтисос дар ҷумҳурӣ нақши муҳим гузоштанд.

Тарафҳо ҷиҳати рушди ҳамкорӣ ва мусоидат дар соҳаҳои мавриди назар изҳори умедворӣ намуда, омодагии худро вобаста ба  идома додани ҳамкории муштараки минбаъда иброз намуданд.

Вохӯрӣ дар фазои дӯстона ва ҳусни тафоҳум баргузор гардид.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *