Рӯзнома зиёд, "Тоҷикистон" яктост!

Пешниҳод: Ба Данғара номи Авесто гузошта шавад

Агар муҳаққиқон, Академияи илмҳо, вакилони парлумони Тоҷикистон дастгирӣ кунанд, ба шаҳри Данғара номи Авесто гузошта шавад.

Оиди китоби таърихию  оламшумули “Авесто”ҷои баҳсу  шарҳ ва эзоҳ  нест. Агар муҳаққиқон, Академияи илмҳо, вакилони парлумони Тоҷикистон дастгирӣ кунанд,  ба шаҳри Данғара номи Авесто  гузошта шавад.

Ин дар ҳолест,  дар номгузории кӯча ,маҳала,таълимгоҳ ,ҷамоат ба ифрот –такрори аз ҳад зиёд  роҳ  дода шудааст. Чунончи номҳои  Ваҳдат, Истиқлол аз будаш ҳам зиёд шудааст. Шаҳру ноҳияе нест, ки 2-3  -ин гуна номгузориҳои  кӯча, деҳа , ҷамоат  ё мактаб  надошта  бошад . Кам бошаду  хуб бошад гуфтаанд.

Ба андешаи  банда гузоштани номҳои  Меликов ,Сиёҳмардов, Занбуров, Хокироев, Бурунов, Қорёғдиев, Кучанов, Кулухов, Облоқулов, Зардаков, Сапаев, Салибаева, Нуритдинов  ва ғ.  ба ҷамоатҳо, кӯчаю хиёбонҳо деҳаю мактабҳо низ ба мақсад мувофиқ нест.Ин ба мисли онест, ки баъзе волидон ба меваи умрашон –фарзандон номҳои нозебу ночаспону гӯшхароши Хошок, Гург, Бӯрӣ, Дос, Табар ,Теша, Шулаш, Тош, Шуракмо ,Бедакмо мемонанд.

Ҳамчунин, пешниҳод мекунам, фаъолияти шабакаҳои телевизиони Тоҷикистон бознигарӣ шавад. Шабакаҳои телевизиони “Тоҷикистон “ , “Сафина “ , “Ҷаҳоннамо” ба далели якранг, такрор ва нусхаи ҳамдигар будан ҳамчун як шабака муттаҳид карда шаванд.

 Дар ин сурат нисбати миллионҳо сомонии  мардуми андозсупоранда, ки муштоқу дар  орзуи барномаҳои  шавқангез, дилпазир, мароқоваранду вале аз он маҳрумад, исрофкорӣ намешавад.

Ба қарибӣ дар вохӯриашон Президенти кишвар Эмомалӣ  Раҳмон  барои шавқовару пурмазмун ва диданӣ гардидани барномаҳои  шабакаҳои телевизионӣ дастуру супоришҳои мушахас доданд. Аз баӣн қариб 2 моҳ гузашт, аммо дар фаъолияти эҷодии  кормандони  онҳо, барномаҳо  ягон  дигаргунӣ, пешравӣ ба мушоҳида намерасад.

  Нурулло  Ҳасанов,

 н.Муъминобод

-->

Шарҳ

3 шарҳ вуҷуд дорад
  1. Тохир 03.05.2019 15:30

    Ягон номи таърихи нагз наёфтан,ки Авесто…

  2. Парвиз 05.05.2019 00:54

    Барои чи шаҳру ноҳияҳои Ёвон, Норак, Роғун, Мӯъминобод, Конибодом, Ашт ва дигар ноҳияҳо не маҳз Данғара?

  3. Зохир 06.05.2019 11:19

    Дангара бисёр номи зебост. Таркиби онро вожахои «дон» ва «гара» ташкил медиханд, ки аз макони парвариши галла, гарами галла, замини хосилхез барои зироати галладонаги, мардуми дехкони чирадасти галлакор, макони нон, баракат ва файз далолат мекунад. Номи Дангара таърихй буда хоси макон аст. Мефахмам, исломситези роич ва номхои замони авастои муд шудааст, вале аз барои Худо ба ин ном даст назанед.

Leave a Reply

Ваш e-mail не будет опубликован.