Рӯшон: Ҷанҷоли бадмаст бо куштор анҷомид
Бино ба маълумоти ВКД, аз ҷониби кормандони милитсия ҳангоми гузаронидани чорабиниҳои оперативӣ-ҷустуҷӯӣ шаҳрвандон: марди 53-сола, ки пеш бо моддаи 335 Кодекси ҷиноятии Ҷумҳурии Тоҷикистон суд шудааст ва марди 46-сола, ки пеш бо моддаи 244 қисми 2 Кодекси ҷиноятии Ҷумҳурии Тоҷикистон суд шудааст, истиқоматкунандагони деҳаи Дерушонии ноҳияи Рушон ҳамчун гумонбар дар қасдан расонидани зарари вазнин ба саломатӣ дастгир карда шуданд.
Номбурдагон санаи 13-уми апрели соли 2018, тахминан соати 11.00-дақиқа, дар соҳили дарёи Панҷ, дар мавзеъи бошишгоҳи “Шоҳ-Носир”, воқеъ дар деҳаи Дерушонӣ, дар ҳолати мастӣ бо марди 43-солаи сокини деҳаи Рушон, ҷангу ҷанҷол намуда, ӯро зери лату кӯб қарор дода, бо олоти кунд ба сару рӯяш задаанд.
Дар натиҷа, мувофиқи маълумотномаи Ташхиси судӣ-тиббӣ таҳти №5 аз 27-уми апрели соли 2018, номбурда зарари вазнин ба саломатиаш бардошта дар ҷойи ҳодиса ба ҳалокат расидааст.
Оид ба ҳолати мазкур нисбати гумонбарон бо моддаи 110 қисми 2 банди “в” Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтишот идома дорад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube
Шарҳ