Раҳими Рафеъзод даргузашт

Нависанда ва рӯзноманигори тоҷик Раҳими Рафеъзод шаби гузашта дар 58-солагӣ даргузашт.

Бино ба гуфти наздиконаш марҳум  аз бемории қалб ранҷ мекашид: “Шаш моҳ пеш дар Ҳиндустон ҷарроҳӣ карда буд”.

Маросими ҷанозаи  Раҳими Рафеъзод зуҳри имрӯз, 3 ноябр дар зодгоҳаш деҳаи Кадучии ноҳияи Восеъ баргузор мешавад.

Рафеъзод аз соли 2009 ба ҳайси хабарнигори минтақавии ҳафтаномаи “Ҷавонони Тоҷикистон” дар вилояти Хатлон фаъолият мекард. Ӯ ҳамзамон муаллифи шаш китоб ҳам буд.