Рамазон маълум шуд, фидяи савм 300 сомонӣ

Имсол, оғози моҳи шарифи Рамазон дар кишвар ба рӯзи ҷумъаи 24 апрел рост омад. Дар ин бора қарори Шӯрои уламои Маркази исломии Тоҷикистон содир шуд. Инчунин, Саидмукаррам Абдулқодирзода, раиси Шӯрои уламои Маркази исломии Тоҷикистон санаи оғози Рамазон, маблағи закоту садақаи фитр ва фидяи савмро барои соҳибони узри шаръӣ муайян кард.

Тибқи қарори Шӯро, имсол нисоби закот 21 ҳазор сомонӣ муқаррар карда шуд, ки аз он 525 сомонӣ закот дода мешавад. Садақаи фитр ба ҳисоби гандум 5 сомонӣ муқаррар гардид. Бар асоси муқаррароти Шӯрои уламо имсол муслимини кишварро зарур аст, аз ҳар 21 ҳазор сомонии доштаашон 525 сомонӣ закот диҳанд.

Барои соҳибони узри шаръӣ, яъне пиронсолону беморон ва нафароне, ки бо сабаб рӯза дошта наметавонанд, фидяи савм ба миқдори 300 сомонӣ барои 30 рӯз, яъне ҳар рӯз 10 сомонӣ муайян карда шуд. Шӯрои уламо имомхатибонро муваззаф кардааст, дар мавзъизаҳояшон мардумро ба худдорӣ аз исрофкорӣ даъват намоянд. Махсусан таъкид шудааст, ки дар моҳи шариф кумак ба ниёзмандон, аз ҷумла ятимону бепарасторон расонда шавад.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *