Рӯзнома зиёд, "Тоҷикистон" яктост!

Рустами Калларо афв карданд

 Суди  минтақаи Кӯлоб Рустам Темуров, машҳур ба “Рустами Калла”-ро, ки ба азхуд кардани маблағҳои калон аз сокинон бо роҳӣ зӯрӣ ва таҳдид муттаҳам мешуд, ба 2,5 сол зиндон маҳкум кард ва сипас бар асоси қонуни афв, ӯро озод намуд.

Дар ҳалномаи суди минтақаи Кӯлоб,  гуфта мешавад, ки Рустам Темуров тибқи моддаи 334, қисми 2-и Кодекси ҷиноятии Тоҷикистон ба муҳлати 2,5 сол бо адо кардани ҷазо дар колонияҳои дорои ислоҳи умумӣ, маҳкум гашт,, “аммо бо дастрасии моддаи 1, қисми 1 дар бораи афв аз 24 августи соли 2016, аз ҷазои таъйиншуда озод карда шудааст.”

Рустам Темуровро ба шарти берун нарафтан аз маҳалли зист ва баргардонидани ҳудуди 600 ҳазор сомонӣ маблағҳои ҷабрдидаҳо, озод кардааст. Бар асоси ин қарор, Рустам Темуров бояд ба ду ҷабрдида — Зафар Холов ваРаҳимҷон Сафармадов ин маблағро пардохт намояд.

Аммо ин ду ҷабрдида гуфтаанд, ки бо вуҷуди он, ки аз судури ҳукми суд  даҳ рӯз мегузарад ва он ба ҳолати иҷро даромадааст, аммо “Рустами Калла” то ба ҳол маблағҳои онҳоро барнагардонидааст. 8 моҳ пеш Рустам Темуров, полковники собиқи милиса аз сӯи мақомоти интизомӣ ба иттиҳоми гирифтани 200 ҳазор доллари амрикоӣ аз сокинони Кӯлоб боздошт ва аз сӯи прокуратураи минтақаи Кӯлоб нисбати ӯ бо моддаи 250 қисми 4, яъне “тамаъҷӯӣ дар ҳолати хавфнок ва бо истифодаи силоҳ” айб эълон карда шуд. Тибқи ин модда полковники собиқро эҳтимоли маҳрумият аз озодӣ ба мӯҳлати аз 15 то 20 сол таҳдид мекард. Аммо ин модда замони ирсол ба додгоҳ иваз ва нисбати ӯ бо модда 334, қисми 2, яъне “худсарӣ ё бо роҳи зӯроварӣ ё таҳдид содир шуда бошад, бо маҳдуд кардани озодӣ ба мӯҳлати то се сол, ё маҳрум сохтан аз озодӣ ба мўҳлати то панҷ сол, ҷазо таҳдид мекард. Полковник Рустам Темуров, ки 62 сол дорад, солҳои тӯлонӣ дар чанд навоҳии Кӯлоб дар мақоми сардори милиса кор кардааст. Ӯ ду сол пеш пас аз 7 соли кор аз мақоми сардори шӯъбаи корҳои дохилии ноҳияи Ховалинг ба нафақа рафт ва ба гуфтаи наздиконаш, ба тиҷорат машғул буд. Зимнан номи Рустам Темуров вақте дар Кӯлоб матраҳ шуд, ки ӯ дар солҳои 1980 дар идораи ОБХСС (шӯъбаи мубориза бо ғорати моликияти сотсиалистӣ)-и вилояти Кӯлоб муовини Султон Қувватов таъин шуд. Ӯ пас аз он ном баровард, ки дар ин мақом дуздии пулҳои чанд идораи вилояти Кӯлобро ошкор кард ва мансабдорон аз шеваи тафтишҳои ӯ дар ҳарос афтода буданд.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

3 шарҳ вуҷуд дорад
  1. Шохин 24.10.2016 13:26

    Рустами калара суд мекунанжд урраааааа ба дод овардаги бачахои кучаи мора урааааааа

  2. БЕНОМУ НИШОН 24.10.2016 13:58

    Чунин одамон бояд дар зиндони Гуантанамо адо чазо гирад, вале боз хам кам аст. Чунки арзу шикояти шахрвандонро мутолиа карда будам ва умед доштам, ки он чазои муносиб хохад гирифт, вале афсууууууууууус

  3. Хамдеха 24.10.2016 14:54

    Ин баозоди баромада бошад вой бар холи Солехи почадарозщ аз руи ин шикоят карда буд ва ин Рустами калла касам хурда буд ки аз зиндон барояд духтари дар гахворабудаашро мекушад ва чони солехи почадарозро мегирад… Нохуши боз мешавад интизор бошед…

Leave a Reply

Ваш e-mail не будет опубликован.