Шикоят Ғаффор “Седой” ба омбудсмени Тоҷикистон, норозигии ӯ оид ба ҳукми содир кардаи додгоҳ

Шикоят Ғаффор “Седой” ба омбудсмени Тоҷикистон, норозигии ӯ оид ба ҳукми содир кардаи додгоҳ
Ғаффор Мирзоев -раиси собиқи Ожони мубориза бо маводи мухаддири Тоҷикистон ба ваколатдори ҳуқуқи инсони Тоҷикистон шикояти хаттӣ ирсол кардааст

Ғаффор Мирзоев -раиси собиқи Ожони мубориза бо маводи мухаддири Тоҷикистон ва яке аз лидерони собиқи Фронти Халқӣ, ки аз рӯи 28 банди ҚҶ Тоҷикистон, аз ҷумла, бо ҷурми кӯшиши табаддулоти давлатӣ, нигаҳдории ғайриқонунии силоҳ ва куштор ба ҳабси якумрӣ маҳкум шуда буд, ба ваколатдори ҳуқуқи инсон роҷеъ ба ҳукми содир кардаи додгоҳ алайҳаш шикоят бурдааст.

Ӯ дар аризаи хаттии худ аз ҳукми содир кардаи додгоҳи Тоҷикистон изҳори норизоӣ кардааст.
Умед Бобозода, ваколатдори ҳуқуқи инсон ё Омбудсмени Тоҷикистон таъкид кард, ки аризаи раиси собиқи Ожони мубориза бо маводи мухаддири Тоҷикистон аввали сол ба дасти ӯ расидааст.
“Мо мактубро ба мақомоти судӣ бе восита ба суди олӣ, ки ба он дахл дошт ирсол кардем. Мактуби ӯ зери назорат қарор дорад”, — гуфт Омбудсмени Тоҷикистон.

Вай ҳамчунин таъкид дошт, ки Ғаффор Мирзоев вобаста ба будубоашаш дар зиндон ягон муроҷиат накардааст.
“Ман бовар дорам, ки намояндагони мо дар оянда дар якҷоягӣ бо намояндагони дигарсохторҳо ба зиндон рафта аз аҳволи Ғаффор Мирзоев хабар мегирем”, — зикр кард Умед Бобозода.

Ваколатдори ҳуқуқи инсон қайд кард, ки ҳар арзае, аз ҷониби маҳбусон вобаста ба мавққеъи будубош ё саломатиашон ворид мегардад, рафта сари вақт санҷиш мекунем аз аҳволи онҳо хабар мегирем.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube