Тағйироти кадрии Убайдуллоев

Маҳмадсаид Убайдуллоев, шаҳрдори Душанбе, дар ҷаласаи дирӯз Бахтиёр Лақаев – раҳбари бозори «Шоҳмансур»-и пойтахтро аз мақомаш барканор кард.

Дафтари матбуоти ҳукумати Душанбе мегӯяд, ин барканорӣ баъди интиқод аз фаъолияти нокофии раисони бозорҳои пойтахт, бахусус дар остонаи Иди Фитр, сурат гирифтааст. Ба иттилои манбаъ, шаҳрдор дар ин ҷаласа барои роҳ додан ба камбудҳо дар фаъолияташ мудири Муассисаи давлатии «Боғи ҳайвонти шаҳри Душанбе» Қурбон Одинаевро низ аз вазифа озод кардааст. Қурбон Одинаев дар ҳоле барканор шудааст, ки тайи ду ҳафтаи охир хабари ҳалокати як хирс ва як шер дар Боғи ҳайвоноти Душанбе дар расонаҳо бозтоб ёфта, сокинон аз чунин бархӯрд норизоятӣ карда буданд. Дар ҷаласаи рӯзи душанбеи шаҳрдорӣ, инчунин, масъалаҳои хизматрасонии нақлиёти ҷамъиятӣ, таъминоти аҳолӣ бо оби ошомиданӣ, нигоҳ доштани дарахту сабзазорони шаҳр аз гармӣ, ҳолати зиддисӯхтории бинову иншоот ва дар ҳолати хуби корӣ нигоҳ доштани каналу селпартоҳо мавриди баррасӣ қарор гирифтааст.

Pressa.tj Бохабар аз гапи ҷаҳон бош!
Моро пайгири намоед
Telegram, Facebook, Instagram, YouTube

Акс, видео, хабарҳои ҷолибро фиристед: Viber, Whatsapp, IMO, Telegram +992 98-333-38-75


Шарҳ

Назари дигар доред? Нависед!

Leave a Reply

Ваш e-mail не будет опубликован. Обязательные поля помечены *