Тоҷикистон барои 200 нафар кӯдакони Ӯзбекистон дари кӯдакистонро боз менамояд

Тоҷикистон барои 200 нафар кӯдакони Ӯзбекистон дари кӯдакистонро боз менамояд

Ин боғчаи кӯдакон барои 200 нафар пешбинӣ шуда, Тоҷикистон барои сохтмони он 420 ҳазор доллар масраф кард

Ҳукумати Тоҷикистон дар ноҳияи Риштони вилояти Фарғонаи Ӯзбекистон кӯдакистон бунёд намуд.

Кӯдакистон барои 200 нафар бо харҷи 420 ҳазор доллар сохта шуд.

«Бо ташаббуси президенти Ҷумҳурии Тоҷикистон дар маҳаллаи Учариқи ноҳияи Риштони вилояти Фарғона муассисаи таҳсилоти томактабии дуошёнаи «Капалак» барои 200 нафар бунёд шуд»,-изҳор доштааст намояндаи Вазорати маорифи ин кишвар дар суҳбат бо Sputnik.

Зикр гардид, ки кӯдакистони навбунёд рӯзи 24 сентябр мавриди баҳрабардорӣ қарор мегирад. Дар маросими ифтитоҳи боғчаи кӯдакон вазири маорифи Тоҷикистон, Муҳаммадюсуф Имомзода иштирок мекунад.

Ёдовар мешавем, ки тасмим дар бораи сохтмони кӯдакистон дар ноҳияи Риштон ҳангоми сафари давлатии президенти Ӯзбекистон Шавкат Мирзиёев ба Тоҷикистон дар моҳи марти соли 2018 гирифта шуд.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Назари дигар доред? Нависед!

Leave a Reply

Ваш e-mail не будет опубликован.