Рӯзнома зиёд, "Тоҷикистон" яктост!

Тоҷикистон нисбат ба сарнавишти Афғонистон бетафовут нест

Президенти Тоҷикистон дар мулоқот бо вазири корҳои хориҷии Чин гуфт, Тоҷикистон нисбат ба сарнавишти Афғонистон бетафовут нест

Эмомалӣ Раҳмон бо вазири корҳои хориҷии Чин Ван И, ки барои иштирок дар ҷаласаи Шӯрои сарони давлатҳои аъзои Созмони Ҳамкории Шонгҳой дар Тоҷикистон қарор дорад, мулоқот кард.

Дар ҷараёни мулоқот ҳамкории дуҷониба ва бисёрҷонибаи Тоҷикистону Чин дар чаҳорчӯби муносиботи шарикии стратегӣ ва дар зимни ташкилоту созмонҳои минтақаию байналмилалӣ баррасӣ шудааст, хабар медиҳад дафтари матбуотии раёсатҷумҳурӣ.

Гуфта мешавад, ҷонибҳо аз мизони болои ҳамкории кишварҳо дар бахшҳои сиёсат, иқтисод, фарҳангу башардӯстӣ ва амният изҳори ризоият карда, роҳҳои рушду густариши минбаъдаи робитаҳо дар соҳаҳои тиҷорат, саноат, энергетика, кишоварзӣ, нақлиёт ва ҷалби сармояи Чин ба иқтисоди Тоҷикистонро баррасӣ намуданд.

Дар мулоқот аз вазъи мураккаби сиёсию низомӣ дар кишвари ҳамсояи Афғонистон изҳори нигаронӣ шудааст.

Дар ин нишаст таъкид шудааст, ки Тоҷикистон бинобар доштани марзи тӯлонӣ бо Афғонистон, забон ва таърихи муштарак бо ин кишвар нисбат ба сарнавишти он бетафовут буда наметавонад.

Бо таваҷҷуҳ ба ин раисҷумҳури Тоҷикистон афзуд, ки Душанбе хостори барқарории сулҳу суботи пойдор дар ин кишвари ҳамсоя мебошад.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.