Рӯзнома зиёд, "Тоҷикистон" яктост!

Яҳё Гулмуҳаммадӣ метавонад сармураббии тими миллии футболи Тоҷикистон шавад

Яҳё Гулмуҳаммадӣ омода аст, ки пешниҳоди ФТФ -ро баррасӣ кунад, агар он пешкаш шавад

Сармураббии тими “Персеполис” -и Эрон Яҳё Гулмуҳаммадӣ метавонад мураббии тими миллии футболи Тоҷикистон шавад.

Дар сӯҳбат бо Sputnik Тоҷикистон варзишгар қайд кард, ки омода аст дар сурати дарёфти чунин пешниҳод онро баррасӣ кунад.

“Ҳоло ман мураббии “Персеполис” ҳастам, бо даста як соли дигар шартнома дорам. Агар ба ман пешниҳоди ҷиддӣ барои роҳбарияти тими миллии Тоҷикистон расад, ман омодаам онро баррасӣ кунам”, – гуфт Гулмуҳаммадӣ.

Санаи 14 сентябр дар Душанбе “Персеполис” дар даври 1/8 финалии Лигаи қаҳрамонҳои Осиё бо “Истиқлол” вомехӯрад.

Эҳтимол аст, ки он вақт, Федератсияи футболи Тоҷикистон ба Гулмуҳаммадӣ мақоми мураббии тими миллиро пешниҳод кунад.

Мураббии собиқи даста Усмон Тошев бинобар ба охир расидани шартномааш дар нимаи моҳи май аз вазифааш канор рафт ва ба бошгоҳи “Нурафшон” (“Бухоро”) -и Ӯзбекистон гузашт.

Далер Қайосов, ки ба ҳайси ёвари мураббӣ дар тими миллии Тоҷикистон кор мекард, ва мураббии дарвозабон Алишер Тӯйчиев, ки чанде пеш “Хуҷанд” – ро тарк карда буд, ҳамроҳ шуданд.

Илова бар ин, ба Тошев мураббиёни Бухоро Мирислом Ҳасанов ва Сӯҳроб Қобилов кумак мекунанд.

Ёдовар мешавем, аз рафтани Тошев қариб шаш моҳ гузашт ва тими миллӣ то ҳол мураббии нав пайдо накардааст.

Акс, видео, хабарҳои ҷолибро фиристед: Viber, Whatsapp, IMO, Telegram +992 93-111-08-61


Шарҳ

Аввалин шуда шарҳи худро гузоред!

Leave a Reply

Ваш e-mail не будет опубликован.