Тоҷикистон барои дарёфти «Оскар» филм пешниҳод мекунад

Филми бадеии «Мелодия»-ро, ки Телевизиони «Сафина» дар ҳамдастӣ бо ширкати телевизионии «Намо»-и Ҷумҳурии исломии Эрон рӯи навор овардаанд, тасмим доранд барои дарёфти ҷоизаҳои байналмилалӣ, аз ҷумла ҷоизаи «Оскар» пешниҳод намоянд.

Дар ин бора Карими Азиз, муовини директори Муассисаи давлатии Телевизиони «Сафина» зимни нишасти матбуотӣ иброз дошт.

Қайд гардид, ки дар ин самт Телевизиони «Сафина» чанде қабл филми мустанади «Бабри барфӣ»-ро бо синамогарони Ҷумҳурии Корея рӯи навор оварданд ва ҳоло филмеро бо унвони «Қутосҳо» бо ҳамкорони кореягӣ таҳия менамоянд.

Бояд гуфт, ки Телевизиони «Сафина» дар таҳияи филмҳои телевизионӣ, мустанад ва бадеӣ таҷрибаи ғанӣ дорад ва филмҳое амсоли «Автобус», «Ношунаво» ва ғайра ҳаводорони зиёд пайдо намудаанд.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube