Зарари сӯхтор дар бинои 6-ошёнаи Ваҳдат 86 000 сомонӣ будааст

Вазорати корҳои дохилӣ зарари сӯхтор дар як бинои 6-ошёнаи шаҳри Ваҳдатро муайян намуд.

Ин ниҳод имрӯз иттилоъ дод, ки ҳодиса 16-уми апрели соли 2023, шабона дар ошёнаи 6-уми бинои истиқоматӣ, воқеъ дар кӯчаи Эрҷигитови шаҳри Ваҳдат ба амал омад.

“Мувофиқи ҳисобҳои пешакӣ зарар аз сӯхтор ба 86 000 сомонӣ баробар аст”,- афзуд манбаъ.

Тибқи иттилои манбаъ, масоҳати оташсӯзӣ 450 метри мураббаъ болопӯши бинои истиқоматӣ (монсард)-ро дар бар гирифтааст ва зарари ҷисмонӣ нест.

Таҳқиқи ҳодисаи сӯхтор аз тарафи мутахассисон идома дорад.

Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube